काठमाडौं । तेस्रो अन्तर्राष्ट्रिय नेपाली फिल्म अवार्ड (ईन्फा-२०२६)को उत्कृष्ट पाँच मनोनयन सार्वजनिक भएसँगै नेपाली फिल्म क्षेत्रमा अवार्ड प्रतिस्पर्धाको चर्चा तीव्र बनेको छ । यही साउन ३० गते काठमाडौंस्थित याक एण्ड यति होटलमा आयोजना हुने अवार्ड समारोहअघि नै विभिन्न विधामा कसले बाजी मार्ला भन्ने चासो बढेको हो ।
आयोजकका अनुसार यसवर्ष २०८२ सालभर प्रदर्शनमा आएका ४० भन्दा बढी नेपाली फिल्ममध्येबाट अनुभवी निर्णायक मण्डलले विभिन्न विधाका उत्कृष्ट पाँच मनोनयन छनोट गरेको हो । मनोनयन सूचीमा ‘ऊनको स्विटर’, ‘जेरीः अन टप’, ‘कोशेढुंगा’, ‘परान’ र ‘आ बाट आमा’ ले प्रमुख तथा प्राविधिक विधामा उल्लेखनीय उपस्थिति जनाएका छन् ।
उत्कृष्ट चलचित्र विधामा सामाजिक, पारिवारिक, प्रेमकथा तथा व्यावसायिक मनोरञ्जनका विविध विषयवस्तु समेटिएका फिल्मबीच प्रतिस्पर्धा हुने भएको छ । उत्कृष्ट निर्देशकतर्फ दीपकप्रसाद आचार्य, नवीन चौहान, सरोज पौडेल, सुदिप्ता र सुयोग गुरुङ मनोनयनमा परेका छन् ।
अभिनय विधामा पनि यसवर्ष कडा प्रतिस्पर्धा देखिएको छ । उत्कृष्ट अभिनेतातर्फ अनमोल केसी (जेरीः अन टप), नाजिर हुसेन (गुन्यु चोलो), नीर शाह (परान), पल शाह (आ बाट आमा) र विपिन कार्की (ऊनको स्विटर) मनोनयनमा पर्नुभएको छ । उत्कृष्ट अभिनेत्रीतर्फ आना शर्मा, जसिता गुरुङ, मिरुना मगर, रिश्मा गुरुङ र सुरक्षा पन्त प्रतिस्पर्धामा हुनुहुन्छ ।
मनोनयन सूचीले नेपाली चलचित्र क्षेत्रमा पुस्तान्तरणसँगै प्राविधिक पक्ष पनि सुदृढ बन्दै गएको संकेत गरेको छ । छायांकन, सम्पादन, पटकथा, पार्श्व संगीत, नृत्य निर्देशन तथा द्वन्द्व निर्देशनलगायत विधामा अनुभवी र नयाँ पुस्ताका प्राविधिकबीच प्रतिस्पर्धा देखिएको छ ।
निर्णायक मण्डलले मूल्यांकन प्रक्रिया पूर्णरूपमा निष्पक्ष, पारदर्शी र अंक प्रणालीमा आधारित रहेको जनाएको छ । वरिष्ठ अभिनेता हरिहर शर्मा, वरिष्ठ अभिनेत्री गौरी मल्ल, वरिष्ठ निर्देशक तथा कलाकार रमेश बुढाथोकी र वरिष्ठ सम्पादक एवं गीतकार करुण थापा निर्णायक मण्डलमा रहनुभएको छ ।
इन्फाको पहिलो र दोस्रो संस्करण बेलायतमा सम्पन्न भएको थियो भने तेस्रो संस्करण पहिलो पटक नेपालमा आयोजना हुन लागेको हो । यसपटक स्वदेशमै अवार्ड आयोजना हुने भएकाले कलाकार, निर्माता तथा दर्शकमाझ विशेष उत्साह देखिएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
देशभर मनसुनी वायुको प्रभाव, चट्याङसहित
सङ्घीय संसद्का दुवै सदनको बैठक
किम्रुङ खोलाको बहाव रोकिएपछि कास्की
कति आज विदेशी मुद्राको विनिमय
हतुवागढीले जुटायो २४ लाख ५३
जापानिज इन्सेफ्लाइटिसविरुद्ध खोप अभियान सञ्चालन