काठमाडौं । घुससहित पक्राउ परेका कर्मचारीहरूको संख्या बढेपछि अख्तियार दुरुपयोग अनुसन्धान आयोगको हिरासत भरिएको छ । चालकदेखि भेटेरिनरी चिकित्सकसम्मका कर्मचारीलाई हिरासतमा राखेर आयोगले अनुसन्धान अघि बढाइरहेको छ ।
अख्तियारकाअनुसार हाल हिरासतमा १४ जना रहेका छन्, जसमध्ये दुई जना महिला छन् । हिरासत क्षमता भरिएपछि केही पक्राउ परेकालाई प्रहरीको हिरासतमा राखेर अनुसन्धान भइरहेको छ । केहीलाई भने हाजिरी जमानीमा छाडेर अनुसन्धान जारी राखिएको छ ।
पछिल्लो समय अख्तियारले सञ्चालन गरेको स्टिङ अपरेसनका क्रममा विभिन्न सरकारी कार्यालयका कर्मचारी घुससहित पक्राउ परेपछि हिरासतमा चाप बढेको हो ।
अख्तियारका एक अधिकारीकाअनुसार पुरानो आर्थिक वर्ष सकिने र नयाँ आर्थिक वर्ष सुरु हुने समयमा सरकारी कार्यालयहरूमा भुक्तानीको चाप बढ्ने भएकाले घुस माग्ने प्रवृत्ति पनि बढ्ने गरेको छ । भुक्तानी रोक्दै सेवाग्राहीसँग बार्गेनिङ गर्ने कर्मचारीविरुद्ध उजुरी परेपछि अख्तियारले कारबाही तीव्र बनाएको जनाएको छ ।
हाल हिरासतमा रहेका १४ जनामध्ये १२ जना सरकारी कर्मचारी र दुई जना सर्वसाधारण रहेको अख्तियारले जनाएको छ । आयोगले सबै घटनाबारे थप अनुसन्धान जारी राखेको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
संविधान कार्यान्वयन नै नगरी संशोधनको
भूकम्पले रोकिएको हनुमानढोकाको नित्य प्रवचन
गृहमन्त्री गुरुङद्वारा जेन–जी शहीद स्मारक
दिक्तेल बजारको बेसक्याम्पमा द्वन्द्वकालीन विस्फोटक
भोटेकोशी बाढी प्रभावित क्षेत्रमा राहत
मैथिली साहित्यका वरिष्ठ साहित्यकार डा.