काठमाडौं । व्यस्त दैनिकीबाट केही समय निकालेर आफूले मन पराएको व्यक्तिसँग पहिलो पटक भेट्नु धेरैका लागि विशेष क्षण हुन्छ । हप्ताभर काम, अध्ययन वा व्यवसायमा व्यस्त रहने अधिकांश मानिस शनिबार वा बिदाको दिनलाई भेटघाट र घुमफिरका लागि रोज्ने गर्छन् । विशेषगरी युवा पुस्तामाझ पहिलो डेटलाई सफल र स्मरणीय बनाउने चाहना सामान्य हुन्छ ।
तर, पहिलो भेट केवल रमाइलो क्षण मात्र होइन, एकअर्कालाई बुझ्ने र सम्बन्धलाई अगाडि बढाउने सम्भावना खोज्ने अवसर पनि हो । त्यसैले पहिलो भेटमा साना–साना व्यवहारले पनि ठूलो प्रभाव पार्न सक्छ ।
मोबाइलभन्दा कुराकानीलाई प्राथमिकता
डेटमा हुँदा मोबाइललाई सकेसम्म साइलेन्ट मोडमा राख्नु उपयुक्त हुन्छ । अत्यावश्यक अवस्था बाहेक बारम्बार फोन उठाउँदा अगाडिको व्यक्तिले आफूलाई बेवास्ता गरिएको महसुस गर्न सक्छ ।
विवादित विषयबाट टाढा रहनुहोस्
पहिलो भेटमा राजनीतिक, धार्मिक वा विवाद निम्त्याउन सक्ने विषयमा बहस गर्नुको सट्टा एकअर्काका रुचि, सपना र अनुभवबारे खुला कुराकानी गर्नु राम्रो मानिन्छ ।
विगतको प्रेम सम्बन्ध नकोट्याउनुहोस्
पहिलो डेटमा पूर्वप्रेमी वा पूर्वप्रेमिकाबारे धेरै चर्चा गर्नु उपयुक्त हुँदैन। यसले नयाँ सम्बन्ध सुरु गर्नुअघि नै नकारात्मक सन्देश दिन सक्छ ।
पहिरनमा विशेष ध्यान दिनुहोस्
सफा, सहज र आफूलाई सुहाउने पहिरनले व्यक्तित्वलाई आकर्षक बनाउँछ। तर, पहिलो पटक लगाउने नयाँ लुगा असहज हुन सक्ने भएकाले आफूलाई सहज महसुस हुने पहिरन रोज्नु उपयुक्त हुन्छ ।
आफ्नो बारेमा धेरै नबोल्नुहोस्
पहिलो भेटमा केवल आफूलाई मात्र केन्द्रमा राखेर धेरै बोल्नुको सट्टा अगाडिको व्यक्तिको कुरा पनि ध्यानपूर्वक सुन्ने बानीले राम्रो प्रभाव पार्छ ।
धूम्रपान वा मदिरा सेवन नगर्नुहोस्
पहिलो भेटअघि धूम्रपान, मदिरा वा अत्यधिक परफ्युमको प्रयोग नगर्न विशेषज्ञहरूले सुझाव दिन्छन् । स्वाभाविक र सफा प्रस्तुतिले राम्रो छाप छोड्न मद्दत गर्छ ।
समयको सम्मान गर्नुहोस्
तोकिएको समयमा पुग्नु पहिलो भेटको आधारभूत शिष्टाचार हो। यदि कुनै कारणले ढिलो हुने अवस्था आएमा समयमै जानकारी गराउनु उचित हुन्छ ।
शारीरिक सीमाको सम्मान गर्नुहोस्
पहिलो भेटमै चुम्बन वा अनावश्यक शारीरिक स्पर्श गर्न हतार गर्नु सम्बन्धका लागि नकारात्मक हुन सक्छ। एकअर्काको सहजता र सहमतिलाई सम्मान गर्नु आवश्यक हुन्छ ।
खर्चमा सन्तुलन अपनाउनुहोस्
पहिलो भेटमा अनावश्यक खर्च गरेर प्रभाव पार्ने प्रयास गर्नु आवश्यक छैन। परिस्थितिअनुसार दुवैले खर्च साझेदारी गर्न सक्ने संस्कृतिलाई पनि सकारात्मक रूपमा हेरिन्छ ।
स्वाभाविक रहनुहोस्
महिलाले सामान्य र सुहाउँदो मेकअप तथा पहिरन रोज्न सक्छन् भने पुरुषले सफा पहिरन, मिलेको हेयरस्टाइल र व्यवस्थित व्यक्तित्वमा ध्यान दिनु उपयुक्त हुन्छ। सबैभन्दा महत्वपूर्ण कुरा भनेको आफूलाई जस्तो हुनुहुन्छ, त्यस्तै प्रस्तुत गर्नु हो।
पहिलो डेट कुनै परीक्षा होइन, बरु एकअर्कालाई चिन्ने अवसर हो । सम्मान, शिष्ट व्यवहार, खुला संवाद र स्वाभाविक प्रस्तुतिले पहिलो भेटलाई स्मरणीय मात्र होइन, दीर्घकालीन सम्बन्धको सुन्दर सुरुवात पनि बनाउन सक्छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर