काठमाडौं । स्वस्थ जीवनयापन, शारीरिक तथा मानसिक विकास, शरीरलाई आवश्यक शक्ति प्रदान गर्न र रोगसँग लड्ने क्षमता बढाउन सन्तुलित तथा पोषिलो आहारको महत्वपूर्ण भूमिका रहने स्वास्थ्य विज्ञहरूले बताएका छन् ।
विज्ञहरूका अनुसार मानव शरीरलाई आवश्यक पर्ने कार्बोहाइड्रेट, प्रोटिन, चिल्लो पदार्थ, भिटामिन, खनिज पदार्थ र फाइबरजस्ता पोषक तत्व उचित मात्रामा समावेश भएको खाना नै स्वस्थ खाना हो। यी पोषक तत्वको सन्तुलित सेवनले शरीरलाई स्वस्थ राख्न मद्दत पुग्ने उनीहरूको भनाइ छ ।
कार्बोहाइड्रेट र चिल्लो पदार्थले शरीरलाई आवश्यक ऊर्जा प्रदान गर्छन् भने प्रोटिनले शरीरको वृद्धि, विकास तथा मर्मतसम्भारमा महत्वपूर्ण भूमिका खेल्छ। त्यसैगरी, भिटामिनले रोग प्रतिरोधात्मक क्षमता बढाउँछ, फाइबरले पाचन प्रणाली र आन्द्रालाई स्वस्थ राख्न सहयोग गर्छ भने खनिज पदार्थले दाँत, हड्डी र मांसपेशीलाई मजबुत बनाउने काम गर्छ ।
स्वास्थ्यकर्मीहरूले दैनिक भोजनमा प्रशस्त मात्रामा सागसब्जी, फलफूल, दाल, गेडागुडी, भटमास, बदाम तथा अन्य पोषक तत्वयुक्त खाद्य पदार्थ समावेश गर्न सुझाव दिएका छन् । साथै, दूध तथा दूधजन्य परिकार, माछा, मासु र अन्य प्रोटिनयुक्त खानेकुराको सन्तुलित सेवन गर्न पनि आग्रह गरिएको छ ।
त्यसैगरी, आयोडिनयुक्त नुनको प्रयोग गर्न, नुनको मात्रा कम राख्न, प्रशस्त पानी पिउन तथा भिटामिन, फाइबर र खनिजयुक्त खाद्य पदार्थलाई प्राथमिकता दिन सुझाव दिइएको छ ।
स्वास्थ्य विज्ञहरूले मदिरा, धूमपान तथा अन्य सूर्तिजन्य पदार्थको सेवनबाट टाढा रहन र पत्रु (जंक) खानाको सट्टा घरमै पकाएको ताजा तथा स्वस्थ खाना खान आग्रह गरेका छन् । विशेषगरी बालबालिका, गर्भवती तथा सुत्केरी महिला र ज्येष्ठ नागरिकले दूध तथा दूधजन्य परिकार नियमित रूपमा सेवन गर्नु स्वास्थ्यका लागि लाभदायक हुने जनाइएको छ ।
सन्तुलित आहारसँगै नियमित शारीरिक व्यायाम, पर्याप्त आराम र स्वस्थ जीवनशैली अपनाउन सके विभिन्न नसर्ने रोगको जोखिम घटाउनुका साथै समग्र स्वास्थ्य सुधार गर्न सकिने स्वास्थ्य क्षेत्रका जानकारहरूको भनाइ छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर