काठमाडौं । प्रसिद्ध साहित्यकार तथा शिक्षाविद् विष्णुप्रसाद पन्तको कविताकृति ‘सृजनापुञ्ज’ लोकार्पण भएको छ । सुकेधारास्थित क्वीन प्यालेसमा आयोजित एक कार्यक्रमबीच उक्त पुस्तक सार्वजनिक भएको हो । साहित्यकार प्रयागराज भट्टराई ‘वाशिष्ठ’को सभापतित्वमा आयोजित उक्त कार्यक्रममा प्राडा.दीनेशराज पन्त प्रमुख अतिथि रहनुभएको थियो । ‘गुणनिधि तथा धनलक्ष्मी पन्त स्मृति प्रतिष्ठान’ आयोजक रहेको उक्त कार्यक्रममा प्रमुख अतिथि तथा विशेष अतिथिहरूबाट गुणनिधि तथा धनलक्ष्मीको फोटोमा माल्यार्पण गर्दै पानसमा दीप प्रज्वलन गरेर कार्यक्रम सुरु गरिएको थियो । कार्यक्रममा प्रमुख अतिथि तथा अन्यबाट सामूहिक रूपमा पुस्तकको लोकार्पण गरिएको थियो ।
कार्यक्रममा चन्द्रप्रसाद पन्तले स्वागत मन्तव्य राख्नुभएको थियो । लोकार्पित पुस्तकमाथि डा.शैलेन्दुप्रकाश नेपाल तथा गोपी मैनालीले समीक्षात्मक टिप्पणी गर्नुभएको थियो । डा.विष्णु खत्रीले सञ्चालन गर्नुभएको सो कार्यक्रममा ठाकुर शर्मा भण्डारी, रामप्रसाद पन्त, युवराज मैनाली, हरिभक्त सिग्देल ‘महेश’ तथा प्रा.पुरुषोत्तम दाहालले शुभकामना मन्तव्य राख्नुभएको थियो । उक्त कार्यक्रममा चण्डिराज नेपाललगायतले पन्तको कवितासंग्रहभित्रका केही कविताहरू वाचन गर्नुभएको थियो । कार्यक्रममा कवि पन्तले पनि आफ्नो लेखकीय मन्तव्य राख्नुभएको थियो । कविता सिर्जना गर्दा तथा ती सिर्जनाहरूलाई यस रूपमा संग्रहमा समेट्दाका अनुभवहरू उहाँले सुनाउनुभएको थियो ।
कार्यक्रमलाई सम्बोधन गर्दै प्रमुख अतिथि प्राडा.पन्तले केही शाश्त्रीय काव्यिक दृष्टान्त दिँदै कवि विष्णु पन्त र लोकार्पित कृतिका बारेमा आफ्नो धारणा राख्नुभएको थियो । प्रा.पुरुषोत्तम दाहालले यसरी लोकार्पण हुने पुस्तकहरूको बृहत् समीक्षा नगरी स्रोतामा जिज्ञासा पैदा गराउँदा जिज्ञासाले पठन संस्कृतिको विकास हुने विचार व्यक्त गर्नुभयो । स्राष्टाहरूले आफ्नो साधना छोड्नु हुँदैन भन्दै उहाँले साधनालाई निरन्तरता दिनु स्राष्टाको कर्तव्य पनि हो भन्नुभयो । कार्यक्रमको अन्त्यमा सभापति प्रयागराज वाशिष्ठले बजारशास्त्रबाट उदाएर लेखनमा अगाडि बढ्नुभएका व्यक्तित्व विष्णु पन्त छन्द साधनामा समेत सक्रिय हुनु प्रशंसनीय कार्य हो भन्नुभयो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर