काठमाडौं । अभिनेत्री तथा निर्देशक झरना थापाले आफ्नो निर्देशनमा बन्ने चलचित्र ‘ए मेरो हजुर ५’ को छायांकन साउन २९ गतेदेखि सुरु हुने जानकारी दिनुभएको छ । चलचित्रको छायांकन बाजुरा जिल्लास्थित प्रसिद्ध धार्मिक तथा पर्यटकीयस्थल बडीमालिका मन्दिरबाट सुरु गरिने भएको हो ।
झरनाले बडीमालिकालाई नेपालको अनुपम प्राकृतिक सौन्दर्य, धार्मिक आस्था, सांस्कृतिक गौरव र पर्यटन प्रवर्द्धनसँग जोडिएको महत्त्वपूर्ण धरोहरका रूपमा बताउनुभएको छ । यस्तो ऐतिहासिक तथा धार्मिकस्थलबाट सिनेमाको यात्रा सुरु गर्न पाउँदा आफूहरू गौरवान्वित भएको उहाँले बताउनुभएको छ ।
उहाँले नेपाली प्रकृति, संस्कृति र भावनालाई अझ व्यापक रूपमा दर्शकमाझ पुर्याउने उद्देश्यले चलचित्र निर्माण गरिने उल्लेख गर्नुभएको छ । चलचित्रको छायांकन सञ्जय लामाले गर्नुहुनेछ । सुहाना इन्टरटेनमेन्टको ब्यानरमा निर्माण हुने चलचित्रका निर्माता सुनिलकुमार थापा हुनुहुन्छ । चलचित्रमा अनमोल केसी र सुहाना थापाले मुख्य भूमिका निर्वाह गर्नुहुनेछ । यसअघि उहाँहरूले ‘ए मेरो हजुर ३’ र ‘ए मेरो हजुर ४’ मा पनि सहकार्य गर्नुभएको थियो ।
‘ए मेरो हजुर’ शृंखलाका अघिल्ला चारै संस्करण व्यावसायिक रूपमा सफल मानिन्छन् । पहिलो संस्करणको निर्देशन स्वर्गीय शिव रेग्मीले गर्नुभएको थियो भने दोस्रो संस्करणदेखि झरना थापाले निर्देशनको जिम्मेवारी सम्हाल्दै आउनुभएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर