काठमाडौं । प्रतिक्षा थापाले प्रतिष्ठित अन्तर्राष्ट्रिय सौन्दर्य प्रतियोगिता ‘मिसेस ग्राण्ड इन्टरनेशनल-२०२६’ मा नेपालको प्रतिनिधित्व गर्ने हुनुभएको छ । प्रतियोगितामा सहभागी हुन उहाँ बिहीबार म्यानमार प्रस्थान गर्ने कार्यक्रम रहेको छ ।
विश्वका विभिन्न देशका विवाहित महिलाहरूबीच हुने उक्त प्रतियोगितामा प्रतिक्षाले नेपालको संस्कृति, परम्परा, सौन्दर्य, आत्मविश्वास तथा महिला सशक्तीकरणको सन्देश अन्तर्राष्ट्रिय मञ्चमा प्रस्तुत गर्नुहुनेछ ।
प्रतियोगिताको तयारीका लागि उहाँले लामो समयदेखि रनवे प्रशिक्षण, व्यक्तित्व विकास, सार्वजनिक वक्तृत्वकला, फिटनेस, स्टाइलिङ तथा फोटोसुटलगायत अन्तर्राष्ट्रियस्तरका विभिन्न प्रशिक्षण पूरा गर्नुभएको छ । आयोजकका अनुसार उहाँ प्रतियोगितामा आत्मविश्वासका साथ नेपालको प्रतिनिधित्व गर्न पूर्णरूपमा तयार हुनुहुन्छ ।
प्रतिक्षाले आफूलाई केवल एक प्रतियोगीका रूपमा नभई नेपाली महिलाको साहस, क्षमता र दृढ संकल्पको प्रतिनिधिका रूपमा प्रस्तुत गर्ने बताउनुभएको छ ।प्रतियोगिताका क्रममा उहाँले नेपालको राष्ट्रिय झण्डा, मौलिक संस्कृति, कला तथा नेपाली महिलाको क्षमता विश्वसामु गर्वका साथ प्रस्तुत गर्ने जनाइएको छ ।
उहाँको सहभागिताले अन्तर्राष्ट्रिय सौन्दर्य प्रतियोगितामा नेपालको उपस्थितिलाई थप सशक्त बनाउने अपेक्षा गरिएको छ । साथै, उमेरभन्दा आत्मविश्वास, लगनशीलता र निरन्तर प्रयास नै सफलताको आधार हुने सन्देश प्रवाह गर्ने विश्वास व्यक्त गरिएको छ ।
प्रतियोगिताका लागि म्यानमार प्रस्थान गर्न लाग्नुभएकी प्रतिक्षालाई उहाँका परिवार, शुभेच्छुक, हाउस अफ फेशन नेपाल पेजेन्ट समुदाय तथा विभिन्न क्षेत्रका व्यक्तित्वहरूले सफलताको शुभकामना दिएका छन् ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर