काठमाडौं । भारतीय चर्चित अभिनेता प्रदीप रावतको निधन भएको छ । ब्लड क्यान्सर पिडित उहाँको ७४ वर्षीय रावतको मंगलबार साँझ उपचारको क्रममा निधन भएको हो ।
मुम्बईस्थित कोकिला बेन अस्पतालमा उहाँ उपचाररत हुनुहुन्थ्यो । तेलुगु, हिन्दी र तमिल चलचित्रका अभिनेता समेत रहनुभएका रावतले चन्द्र पन्तको निर्देशनमा बनेको नेपाली चलचित्र ‘आ बाट आमा’ र ‘ह्रस्व दीर्घ’ मा अभिनय गर्नुभएको थियो ।
रावतले ‘महाभारत’ सिरियलमा अस्वस्थामाको भूमिका निर्वाह गर्नुभएको थियो । उहाँले ‘सरफरोस, लगान, गजिनी’मा खलपात्रको भूमिकामा समेत अभिनय गर्नुभएको थियो ।
उहाँले हालै नेपाली चलचित्र ‘आबाट आमा-२’ को छायांकन सकाउनुभएको थियो । रावतको निधनको खबरपछि अभिनेत्री विपना थापाले सामाजिक सञ्जालमार्फत गहिरो दुःख व्यक्त गर्नुभएको छ । भारतीय कलाकारहरूले पनि सामाजिक सञ्जालमा रावतको निधनमा दुःख व्यक्त गर्दै श्रद्धाञ्जलि दिइरहेका छन् ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर