पर्सा । वीरगन्ज महानगरपालिका–१४ स्थित बाइपास सडकखण्डमा पेट्रोलियम पदार्थ बोकेको ट्याङ्करबाट अनधिकृत रूपमा तेल चोरी गरी बिक्री–वितरण गर्ने कार्यमा संलग्न सात जनालाई प्रहरीले दुईवटा ट्याङ्करसहित पक्राउ गरेको छ ।
प्रहरीका अनुसार बिहीबार साँझ करिब ५ः१० बजे भारतबाट आईसीपी जाँचपास गरी नेपाल प्रवेश गरेको ना.७ ख १५३९ नम्बरको पेट्रोलियम पदार्थ बोकेको ट्याङ्करबाट सौदागर आयल सेन्टरमा अनधिकृत रूपमा तेल निकालिरहेको अवस्थामा उनीहरूलाई पक्राउ गरिएको हो ।
प्रारम्भिक अनुसन्धानअनुसार ट्याङ्करमा जडान गरिएको सिललाई फलामको पाइपको हुक प्रयोग गरेर उचाल्दै तेल चोरी भइरहेको सूचनाका आधारमा पुगेको प्रहरी टोलीले घटनास्थलबाट सात जनालाई नियन्त्रणमा लिएको हो ।
पक्राउ पर्नेमा सौदागर आयल सेन्टरका सञ्चालक ५५ वर्षीय सुनैन मियाँ, लेखा शाखामा कार्यरत २३ वर्षीय असलम हवारी, क्यासियर २१ वर्षीय रफिक मियाँ, ना.७ ख २८०४ नम्बरको ट्याङ्करका चालक ४६ वर्षीय केशर राम सुनार र सहचालक २० वर्षीय सन्देश राना मगर, साथै ना.७ ख १५३९ नम्बरको ट्याङ्करका चालक ५० वर्षीय मन्द सिंह लामा र सहचालक २७ वर्षीय उमेश राना मगर रहेका छन् ।
प्रहरीले घटनामा प्रयोग भएका दुवै ट्याङ्कर नियन्त्रणमा लिएको छ। घटनाबारे थप अनुसन्धान भइरहेको प्रहरीले जनाएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बाढीपछि त्रिशूलीका सहायक खोलामा बालुवा
हुप्सेकोटको घाँगी भीरमा निरन्तर धुँवाको
त्रिभुवनराजपथ भासिएपछि एकतर्फी यातायात सञ्चालन
नयाँ कोष थप्ने होइन, एकीकृत
बाढीपीडितलाई सहयोग गर्ने सन्देशसहित सांस्कृतिक
मकवानपुरमा ट्राफिक कारबाही बढ्दा पनि