काठमाडौँ । काठमाडौँको माइतीघरको एक छेउमा पर्चा, पम्प्लेट र ब्यानर कहिल्यै टुट्दैन । यो आफ्ना माग राख्ने, कुनै विषयमा सरकारको ध्यानाकर्षण गराउने, सरकारका गतिविधिको विरोध/आलोचना गर्ने ठाउँ बनेको छ ।
जेन–जी प्रदर्शन, शिक्षक आन्दोलन, मिटरब्याज पीडित, लघुवित्त पीडित, सहकारी पीडित, बलात्कारपीडित, सुकुम्बासीदेखि हरेक माग राख्नेहरुको मुकाम हो – माइतीघर मण्डला । यहाँ आउने सबैका आवाज सरकारले सुन्छ भन्ने त होइन, तर माइतीघरमा राखिएका धेरै स्वर सिंहदरबारसम्म पुग्छ । यहीकारण माइती घरमा आन्दोलन गर्ने शिक्षक, मिटरब्याजपीडित, सहकारी पीडित, चिकित्सकलगायत पीडितसँग सरकार वार्ता र सहमतिका लागि आइपुग्छ ।
कुनैबेला फिल्मको ब्यानर टाँसिएको माइतीघरमा आज पनि ब्यानरको कमी छैन । फरक यत्ति हो, २०२० सालतिर ‘माइतीघर’ चलचित्रको प्रचार गर्न यहाँको एउटा घरमा ब्यानर राखिएको थियो । त्यहीँ कार्यालय पनि थियो । यही कारण यो ठाउँको नाम कालान्तरमा ‘माइती घर’बन्न पुग्यो । हिजो चलचित्रको प्रचार गर्न पोष्टर राखिएको माइतीघरमा आज न्याय माग्नेहरुको ब्यानर हुन्छ ।
कुनैबेला गोरखाका राजा राम शाहले भनेका थिए – न्याय नपाए गोरखा जानु । आजकल माइतीघरबारे यो उखान खास फरक पर्दैन – न्याय नपाए माइतीघर जानु ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
सरकारको पूर्ण मूल्याङ्कन गर्ने बेला
सरकार लक्ष्यबाट विमुख भए हस्तक्षेप
सुनको मूल्य तोलामा चार हजार
‘सिंहदरबार’को नाम परिवर्तन गरी ‘अनामनगर
सम्पर्कविहीन पूर्वमेयर किरण सिंह गोरुसिङ्गे
सडकमा सिठी फुकेर मात्र ट्राफिक