काठमाडौं । चलचित्र ‘महाराजधिराज’का मुख्य कलाकार पुष्प खड्काको सिक्स प्याक बडीसहितको तस्बिर सार्वजनिक भएको छ । चलचित्रका प्रस्तुतकर्ता विराज विष्टले सामाजिक सञ्जालमार्फत तस्बिर सार्वजनिक गर्दै पुष्पले चलचित्रका लागि कठोर मेहनत र त्याग गरेको बताउनुभएको छ ।
विष्टले ‘महाराजधिराज’का लागि पुष्पले गरेको तपस्या र संघर्ष प्रशंसनीय रहेको उल्लेख गर्दै चलचित्र प्रदर्शनपछि उहाँको करियरले नयाँ उचाइ लिने दाबी गर्नुभएको छ ।
यसअघि चलचित्रमा अनुबन्ध हुने सम्झौताका क्रममा पुष्पले हात काटेर रगतको औँठाछाप लगाएको विषयले पनि चर्चा पाएको थियो ।
परिच्छेद सेनको निर्देशनमा निर्माण भइरहेको चलचित्रको छायांकन अहिले काठमाडौंका विभिन्न स्थानमा भइरहेको छ । सुनसरीको श्रीलंका टापुबाट सुरु भएको छायांकन भक्तपुरमा समेत गरिएको छ । चलचित्रको छायांकन तालिका ७० दिनको रहेको निर्माण पक्षले जनाएको छ ।
‘महाराजधिराज’मा पुष्पसँगै आर्यन सिग्देल, रमेश उप्रेती, पूजा शर्मा, केकी अधिकारी, उषा रजक, सुशील सिटौलालगायत करिब ८० कलाकारको अभिनय रहनेछ । सामाजिक परिवेशमा आधारित पिरियड ड्रामाका रूपमा निर्माण भइरहेको चलचित्रको लेखन पनि निर्देशक सेनले नै गर्नुभएको छ । रवि खड्का र टोपेन्द्र विष्ट निर्माता रहेको चलचित्र छत्रेश्वर म्यानेजमेन्ट प्रालिको ब्यानरमा निर्माण हुँदैछ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
खुला सीमा र कमजोर निगरानीका
म्यानपावर व्यवसायी आन्दोलित, माग पूरा
बागलुङमा जिप र ट्याक्सी ठोक्किदा
विद्युत् पहुँचदेखि सडक निर्माणसम्म :
सभामुखको विश्राम कक्षमा अर्याल, लामिछाने
पूर्वानुमानमा आधारित विपद् प्रतिकार्य स्थानीय