काठमाडौं । नेपालकै बृहत् र स्तरीय मानिएको ‘मोडल हन्ट नेपाल २०२६’ का लागि ४२ प्रतियोगी छनोट भएका छन् । विभिन्न चरणमा सम्पन्न अडिसनबाट २६ महिला र १६ पुरुष गरी ४२ जना फाइनलका लागि छनोट भएका हुन् ।
प्रतियोगिताको यो १०औँ संस्करण हो । आयोजक नेक्स्ट मोडल्स नेपालकी कार्यकारी निर्देशक यतना पाण्डेका अनुसार मुख्य प्रायोजक ‘नोथिङ स्मार्ट फोन’ रहेकाले यस वर्ष प्रतियोगिता ‘नोथिङ स्मार्ट फोन मोडल हन्ट नेपाल २०२६’ नामबाट आयोजना हुँदैछ ।
छनोट भएका प्रतियोगीले एक महिनासम्म व्यक्तित्व विकास, शारीरिक बनावट, र्याम्प वाक, बडी ल्याङ्ग्वेज, फोटोसुट र एक्सप्रेसनलगायतका विषयमा प्रशिक्षण तथा ग्रुमिङ लिनेछन् ।
विजेताले पाँच लाख रुपैयाँ बराबरको पुरस्कारसँगै आगामी सेप्टेम्बरमा कम्बोडियामा आयोजना हुने ‘मिस एन्ड मिस्टर सेलिब्रेटी इन्टरनेशनल’मा नेपालको प्रतिनिधित्व गर्ने अवसर प्राप्त गर्ने आयोजक नेक्स्ट मोडल्स नेपालका अध्यक्ष रवि धमलाले बताउनुभयो ।
व्यावसायिक मोडल उत्पादन गर्ने उद्देश्यले विगत १० वर्षदेखि नियमित आयोजना हुँदै आएको प्रतियोगिताप्रति पछिल्लो समय युवायुवतीको आकर्षण बढ्दै गएको आयोजकको भनाइ छ । प्रतियोगीताको फाइनल २४ जुलाई अर्थात भदौ ८ गते आयोजना हुनेछ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
किएभमा रूसी आक्रमण तीन जनाको
एक महिनादेखि इलाम-राजदुवाली सडक अवरुद्ध,
जालसाजीको अभियोगमा वडाध्यक्ष पक्राउ
टाइफुन डल्फिनको जोखिमपछि पूर्वी चीनमा
इरान-ओमान वार्तापछि स्ट्रेट अफ होर्मुज
ढोरपाटनमा ३७ हजार पर्यटक, ४७