काठमाडौं । ‘मोडल हन्ट नेपाल २०२६’को उपाधि पुरुषतर्फ परन्तप भण्डारी र महिलातर्फ लिजा श्रेष्ठले जित्नुभएको छ । शनिबार राति दरबारमार्गस्थित होटल याक एन्ड यतीमा आयोजित समारोहमा भण्डारी र श्रेष्ठलाई प्रतियोगिताको शीर्ष विजेता घोषणा गरिएको हो । उपाधिसँगै दुवै विजेताले जनही नगद पाँच लाख रुपैयाँ बराबरको पुरस्कार प्राप्त गरेका छन् । साथै आगामी डिसेम्बरमा कम्बोडियामा आयोजना हुने ‘मिस एन्ड मिस्टर सेलिब्रेटी इन्टरनेशनल’मा नेपालको प्रतिनिधित्व गर्ने अवसरसमेत उनीहरूले पाएका छन् ।
भण्डारीले ‘बेस्ट वाक’, ‘बेस्ट फिजिक्स’ र ‘बेस्ट फिगर’को उपाधिसमेत हात पार्नुभयो भने श्रेष्ठले ‘कमर्सियल मोडल’को उपाधि जित्नुभयो । प्रतियोगितामा पुरुषतर्फ अनुस्कृत न्यौपाने प्रथम रनरअप र सुशान्त प्रजापति द्वितीय रनरअप घोषित हुनुभयो । महिलातर्फ प्रियंका ओली प्रथम रनरअप र खुसी बोहरा द्वितीय रनरअप बन्नुभयो ।
प्रतियोगिताको फाइनलमा २६ महिला र १६ पुरुष गरी ४२ प्रतियोगी सहभागी थिए । विभिन्न विधातर्फ मनिष ओली र काया थापा ‘मस्ट पपुलर’, सुशील थापा मगर र काया थापा ‘मस्ट स्टाइलिस’, अनुष सक्सेना र उगेश्ना तिमल्सिना ‘बेस्ट पर्सनालिटी’ घोषित हुनुभयो ।
त्यस्तै, अस्निका ठकुरीले ‘बेस्ट वाक’, सुशान्त प्रजापति र प्रियंका ओलीले ‘पब्लिक च्वाइस’, सुशान्त प्रजापति र कृशला संगतले ‘मस्ट फोटोजेनिक’को उपाधि जित्नुभयो । सिम्रन कार्कीले ‘बेस्ट फिजिक्स’ र ‘बेस्ट फिगर’, अनुस्कृत न्यौपानेले ‘कमर्सियल मोडल’ तथा सृष्टि न्यौपानेले ‘बेस्ट कन्टेन्ट क्रिएटर’को उपाधि हात पार्नुभयो ।
‘मोडल हन्ट नेपाल’को यो १०औँ संस्करण हो । प्रतियोगिताका निर्णायकमा माल्भिका सुब्बा, प्रशान्त ताम्राकार, राजभाई सुवाल, हिमाञ्चल राज केसी, विनय जोशी, रमिला नेम्कुल र मनिष राई रहनुभएको थियो ।
आयोजक नेक्स्ट मोडल्स नेपालकी कार्यकारी निर्देशक यतना पाण्डेका अनुसार प्रतियोगीलाई व्यक्तित्व विकास, शारीरिक बनावट, र्याम्प वाक, बडी ल्यांग्वेज, फोटोसुट र एक्सप्रेसनलगायतका विषयमा ग्रुमिङ प्रशिक्षण दिइएको थियो । कोरियोग्राफर सबिता कार्की र मेन्टर अजय गुरुङ रहेको प्रतियोगितामा मनिष राई, कासा, मर्स्याङ्दी, सरिता अटायर र विमिन्स प्लानेटले फेसन डिजाइनमा सहकार्य गर्नुभएको थियो । र्याम्प शो तथा विभिन्न सांगीतिक प्रस्तुतिसहित सम्पन्न प्रतियोगितामा सहभागीहरूले आफ्नो प्रस्तुति दिएका थिए ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
गोसाइँकुण्डमा जनैपूर्णिमा मेलाको तयारी
विविधतामा एकताले राष्ट्रिय अखण्डता बलियो
सरकारको पूर्ण मूल्याङ्कन गर्ने बेला
सरकार लक्ष्यबाट विमुख भए हस्तक्षेप
सुनको मूल्य तोलामा चार हजार
‘सिंहदरबार’को नाम परिवर्तन गरी ‘अनामनगर