कालीकोट । कालीकोटमा ब्रेक फेल भएर अटो दुर्घटना हुँदा चार जना घाइते भएका छन् । घाइतेमध्ये दुई जनाको अवस्था गम्भीर रहेको प्रहरीले जनाएको छ ।
जिल्लाको खाँडाचक्र नगरपालिका-७, पिलीस्थित सुर्खेत-जुम्ला सडकखण्डमा सोमबार बिहान करिब ९ः३० बजे दुर्घटना भएको हो ।
पिलीबाट मान्मतर्फ आउँदै गरेको कर्णाली प्रदेश ०२००१ ह ११९४ नम्बरको अटो अचानक ब्रेक फेल भएपछि सडकको भित्तामा ठोक्किएर दुर्घटना भएको जिल्ला प्रहरी कार्यालय कालीकोटले जनाएको छ ।
अटोमा चालकसहित पाँच जना सवार थिएँ । दुर्घटनापछि अस्थायी प्रहरी पोष्ट पिलीबाट प्रहरी वरिष्ठ हवल्दार वीरेन्द्रबहादुर मल्लको कमाण्डमा खटिएको तीन सदस्यीय प्रहरी टोलीले घटनास्थलमा पुगेर घाइतेको उद्धार गरेको थियो। घाइतेहरूलाई तत्काल उपचारका लागि जिल्ला अस्पताल मान्म लगिएको छ ।
दुर्घटनामा महाबै गाउँपालिका-५, गेला निवासी ३५ वर्षीय मंगल शाही र सोही ठाउँकी २५ वर्षीया सविना शाही गम्भीर घाइते भएका छन् । उनीहरूको शरीरका विभिन्न भागमा चोट लागेको प्रहरीले जनाएको छ ।
त्यस्तै, महाबै गाउँपालिका-६ की २६ वर्षीया प्रतिमा आचार्य र वडा नम्बर ५ का २९ वर्षीय कुलप्रसाद भट्टराई मध्यम घाइते भएका छन् । आचार्यको शरीरका विभिन्न भागमा तथा भट्टराईको हातमा चोट लागेको छ ।
अटो चालक खाँडाचक्र नगरपालिका-७, पिली निवासी ४७ वर्षीय कृष्णबहादुर मल्ललाई भने चोटपटक नलागेको र प्रहरीको नियन्त्रणमा रहेको जिल्ला प्रहरी कार्यालय कालीकाेटका प्रहरी नायब उपरीक्षक (डिएसपी) हिमबहादुर खत्रीले बताउनुभयाे ।
दुर्घटनामा परेको अटो घटनास्थलमै रहेको छ भने सडकमा आवतजावत अवरुद्ध नभएको खत्रीले बताउनुभयाे। घटनास्थल अस्थायी प्रहरी पोष्ट पिलीबाट करिब दुई किलोमिटर पूर्वमा पर्छ ।
घटनाबारे थप विवरण संकलन भइरहेको जिल्ला प्रहरी कार्यालय कालीकोटले जनाएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
2
Sad
Sad
0
Excited
Excited
0
Angry
Angry
यस्तो छ आजका लागि विदेशी
सुक्खा पहिराेले घारखोला जलविद्युत् आयोजनाको
प्रतिनिधिसभाको बैठक बस्दै, यस्ता छन्
कोलम्बियामा शक्तिशाली भूकम्प : १११
कोरोला नाका जोड्ने घमी खोला
दमक–चिसोपानी सडकमा मालवाहक सवारी सञ्चालनमा