काठमाडाैं । प्रहरी महानिरीक्षक दानबहादुर कार्कीले विद्युतीय सवारी साधन र वातावरणमैत्री मोबिलिटी (गतिशीलता) का क्षेत्रमा निजी क्षेत्रले देखाएको सक्रियता प्रशंसायोग्य रहेको बताउनुभएको छ ।
मंगलवार ‘नाइमा नेपाल मोबिलिटी एक्स्पो’को उद्घाटन कार्यक्रमलाई सम्बोधन गर्दै उहाँले निजी क्षेत्रको यो प्रयासले दिगो तथा सुरक्षित सहरी यातायातको लक्ष्य हासिल गर्न ठूलो सहयोग पुग्ने विश्वास व्यक्त गर्नुभयो । नेपाल जस्तो इन्धन खपत कम गर्नुपर्ने मुलुकका लागि विद्युतीय सवारी साधनको प्रयोग अपरिहार्य रहेको उल्लेख गर्दै महानिरीक्षक कार्कीले नेपाल प्रहरीले पनि पछिल्लो समय वातावरण संरक्षणमा योगदान पुर्याउने उद्देश्यले विद्युतीय सवारीको प्रयोगलाई क्रमशः विस्तार गर्दै लगेको जानकारी दिनुभयो ।
महानिरीक्षक कार्कीले मुलुकको सडक सुरक्षाको भयावह अवस्थाप्रति चिन्ता व्यक्त गर्नुभयो । उहाँले प्रस्तुत गर्नुभएको तथ्यांकअनुसार आर्थिक वर्ष २०८०/८१ (स्रोतमा उल्लेखित ८२/८३ लाई पछिल्लो तथ्यांकको रूपमा लिँदा) मा नेपालभर २९ हजार ९ सय ८८ वटा सवारी साधन दुर्घटनामा परेका छन् । यो संख्या अघिल्लो आर्थिक वर्षको तुलनामा ४.३२ प्रतिशतले बढी हो । नेपालमा औसत प्रतिदिन ८२ वटा सडक दुर्घटना हुने गरेका छन् । जसमा दैनिक १ सय ३० जना घाइते र औसत ७ जनाको मृत्यु हुने गरेको छ । उहाँकाअनुसार पछिल्लो एक वर्षमा मात्रै २ हजार ७ सय ७ जना नागरिकले सडक दुर्घटनामा ज्यान गुमाएका छन् भने ४७ हजार ५ सय ५३ जना घाइते भएका छन् । यो तथ्यांक अत्यन्तै मर्माहत तुल्याउने खालको रहेको उहाँले बताउनु भयो ।
उहाँले भन्नुभयो, ‘विद्युतीय तथा वातावरणमैत्री सवारीतर्फ निजी क्षेत्रको बढ्दो अग्रसरता प्रशंसनीय छ । यसले दिगो, सुरक्षित र वातावरणमैत्री सहरी यातायात विकासमा महत्वपूर्ण योगदान पुर्याउँछ । नेपाल प्रहरीले पनि पछिल्ला वर्षहरूमा विद्युतीय सवारीको प्रयोग बढाउँदै वातावरण संरक्षणमा योगदान दिँदै आएको छ । तर मोबिलिटीको कुरा गर्दा सडक सुरक्षा सबैभन्दा महत्वपूर्ण विषय हो । आर्थिक वर्ष २०८२/८३ मा नेपालभर करिव २९ हजार ९ सय ८८ सडक दुर्घटना भएका छन्, जुन अघिल्लो वर्षभन्दा ४.३२ प्रतिशत बढी हो । दैनिक औसत ८२ दुर्घटना, १३० जना घाइते र ७ जनाको मृत्यु हुने गरेको तथ्यांक छ । यस वर्ष मात्रै २ हजार ७ सय ७ जनाले ज्यान गुमाएका र ४७ हजार ५ सय ५३ जना घाइते भएका छन् । यो अत्यन्त गम्भीर अवस्था हो । त्यसैले मोबिलिटी भनेको सवारीको आवागमन मात्र होइन, आर्थिक, सामाजिक र समग्र जीवनलाई चलायमान बनाउने माध्यम हो । पूँजी, व्यवसाय, उपभोग र रोजगारीको चक्र चलिरहँदा मात्र अर्थतन्त्र चलायमान हुन्छ । मानिसदेखि अर्थतन्त्रसम्म निरन्तर गतिशीलता आवश्यक छ । त्यसैले अबको मोबिलिटी दिगो, वातावरणमैत्री मात्र होइन, सुरक्षित पनि हुनुपर्छ । सडक दुर्घटना न्युनिकरण र सुरक्षित यातायातलाई हामी सबैले समान प्राथमिकता दिन आवश्यक छ ।’
महानिरीक्षक कार्कीले ‘मोबिलिटी’ को बहुआयामिक महत्वमाथि प्रकाश पार्दै यसलाई आर्थिक, सामाजिक र भौतिक विकासको कडीका रूपमा चित्रण गर्नुभयो । पुँजीको चलायमानताले अर्थतन्त्रलाई बलियो बनाउने र मानवीय जीवनमा पनि गतिशीलता उत्तिकै महत्वपूर्ण हुने उहाँको तर्क छ । उहाँले सुरक्षित मोबिलिटीका लागि राज्य, निजी क्षेत्र र नागरिक सबै मिलेर काम गर्नुपर्नेमा जोड दिनुभयो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
सुक्खा पहिराेले घारखोला जलविद्युत् आयोजनाको
प्रतिनिधिसभाको बैठक बस्दै, यस्ता छन्
कोलम्बियामा शक्तिशाली भूकम्प : १११
कोरोला नाका जोड्ने घमी खोला
दमक–चिसोपानी सडकमा मालवाहक सवारी सञ्चालनमा
क्यानले रोहित पौडेललाई भन्यो :