काठमाडौं । जापानको आइची प्रान्तस्थित चिर्युमा आगामी अगस्ट १६ मा आयोजना हुने बहुराष्ट्रिय फुटबल प्रतियोगिता ‘एसबिआई रेमिट कप २०२६’ मा नेपाली समुदायका दुई टोलीले सहभागिता जनाउने भएका छन् । जापानभरिका विदेशी समुदायबीच मैत्री, एकता र खेलकुदको भावना अभिवृद्धि गर्ने उद्देश्यले आयोजना हुन लागेको प्रतियोगिताका लागि नेपाली समुदायको प्रतिनिधित्व गर्न दुई टोली छनोट भएका हुन् ।
प्रतियोगिताका लागि हालै सम्पन्न एसबिआई रेमिट सातौं युएफएन कपबाट नेपाली खेलाडी छनोट गरिएको हो । जापानभरिबाट ३२ टोली सहभागी भएको उक्त प्रतियोगितामा उत्कृष्ट प्रदर्शन गर्ने खेलाडीमध्ये नेपाली समुदायबाट दुई टोली छनोट भएका हुन् ।
प्रतियोगितामा नेपालसहित जापानमा रहेका विभिन्न विदेशी समुदायका टोलीको सहभागिता रहनेछ । प्रतियोगिताले खेलकुदमार्फत् विभिन्न राष्ट्रियता र समुदायबीचको सम्बन्ध विस्तार तथा आपसी मित्रता र सहकार्यलाई थप मजबुत बनाउने अपेक्षा गरिएको छ ।
जापानमा रहेका विदेशी नागरिकबीच लोकप्रिय रेमिटेन्स सेवा प्रदायकका रूपमा रहेको एसबिआई रेमिटले विशेषगरी नेपाली समुदायलाई लक्षित गर्दै सुरक्षित, छिटो र विश्वासिलो रकम पठाउने सेवा उपलब्ध गराउँदै आएको छ ।
कम्पनीले नेपाली समुदायसँग सामाजिक, सांस्कृतिक तथा खेलकुदका विभिन्न गतिविधिमा सहकार्य गर्दै आएको छ । यो प्रतियोगिता पनि विदेशी समुदायसँगको सम्बन्धलाई थप मजबुत बनाउने उद्देश्यअन्तर्गत आयोजना गरिएको हो ।
प्रतियोगिताले नेपाली खेलाडीलाई आफ्नो प्रतिभा प्रदर्शन गर्ने अवसर प्रदान गर्नुका साथै जापानमा रहेका नेपाली समुदायबीचको एकता र सम्बन्धलाई थप मजबुत बनाउने अपेक्षा गरिएको छ ।
त्यस्तै, विभिन्न समुदायका खेलाडी तथा समर्थकलाई एउटै खेल मैदानमा जोडेर आपसी चिनजान, मित्रता र सहकार्य विस्तार गर्न प्रतियोगिताले योगदान पुर्याउने आयोजकको अपेक्षा छ ।
नेपाली समुदायबाट छनोट भएका टोलीले प्रतियोगितामा उत्कृष्ट प्रदर्शन गर्दै नेपालको प्रतिनिधित्व गर्ने तयारी गरिरहेका छन् । जापानमा रहेका नेपाली समुदायलाई आफ्ना खेलाडीलाई हौसला प्रदान गर्दै प्रतियोगितामा सहभागी हुन आग्रह गरिएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
पर्यटकको बसाइ लम्ब्याउन सुविधासम्पन्न होटल
सामाजिक सञ्जालको दुरुपयोग र वित्तीय
टेलिभिजनमा फर्किए ‘हर्के हल्दार’
‘बाः एक योद्धा’को ‘नभन्नू कोइसित’
‘आमा’बाट आरम्भ भयो ‘ओल्ड इज
‘जलाकी’ को पहिलो गीत ‘चाँदी