काठमाडौं । राष्ट्रिय स्वतन्त्र पार्टी (रास्वपा) का सभापति एवं पूर्वउपप्रधानमन्त्री रवि लामिछानेले रास्वपा वैकल्पिक शक्ति मात्र नभई देशको ‘निर्विकल्प शक्ति’ बन्नुपर्ने बताउनुभएको छ।
बुधबार काठमाडौंमा आयोजित कार्यक्रममा बोल्दै लामिछानेले समाजमा तत्कालै परिणाम खोज्ने प्रवृत्ति बढ्दै गएको र त्यसले राजनीतिक अस्थिरता निम्त्याउन सक्ने बताउनुभयो।
आजको भोलि नै परिणाम खोज्ने प्रवृत्तिका कारण जनताले बारम्बार नयाँ विकल्प खोजिरहने अवस्था आउने उल्लेख गर्दै उहाँले रास्वपा अरूको विकल्प खोज्न नभई आफैँ भरपर्दो विकल्प बन्न आएको बताउनुभयो।
उहाँले भन्नुभयो, “विकल्प खोज्नु मात्र समाधान होइन, आफैँमा भरपर्दो विकल्प बन्नु मुख्य कुरा हो। रास्वपा वैकल्पिक शक्ति मात्र होइन, निर्विकल्प शक्ति बन्नुपर्छ।”
लामिछानेले पार्टीको सांगठनिक संरचनाबारे आत्मसमीक्षा गर्दै जगभन्दा संरचना ठूलो भएको स्वीकार गर्नुभयो। जनताको तीव्र परिवर्तनको चाहना र भरोसाका कारण पार्टीको सांगठनिक जग बलियो बन्नुअघि नै ठूलो आकार लिएको उहाँको भनाइ थियो।
उहाँले भन्नुभयो, “जग बलियो नबनाई संरचना मात्र विशाल भएर हुँदैन। युवाहरूको चाहना र परिवर्तनको आवश्यकताले गर्दा रास्वपा जगले धान्न सक्नेभन्दा ठूलो आकारको बनेको हो कि भन्ने मलाई महसुस हुन्छ।”
पार्टीलाई दिगो र सुदृढ बनाउन आवश्यक ठाउँमा सुधार र संस्थागत संरचना बलियो पार्न आफूहरू तयार रहेको उहाँले बताउनुभयो।
लामिछानेले जनताले रास्वपाको अर्को विकल्प खोज्नुपर्ने अवस्था आउन नदिन पार्टीले आफ्नो व्यवहार र कार्यसम्पादनमा निरन्तर सुधार गर्नुपर्ने धारणा राख्नुभयो।
उहाँले पार्टीलाई जगैदेखि मजबुत बनाउँदै जिम्मेवार ढंगले अघि बढ्ने प्रतिबद्धता समेत व्यक्त गर्नुभयो।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
मृतक गणेश यादवको परिवारलाई मधेश
हेटौँडामा ग्यासको चर्को अभाव, चार–पाँच
सीमा क्षेत्रबाट अवैध सामान तथा
संविधान संशोधन गर्दा संवेदनशीलता बुझ्नुपर्छ
पर्यटकको बसाइ लम्ब्याउन सुविधासम्पन्न होटल
सामाजिक सञ्जालको दुरुपयोग र वित्तीय