काठमाडाैं । संसदीय समितिले नागरिकलाई स्वच्छ, सुरक्षित तथा पर्याप्त खानेपानी उपलब्ध गराउन अल्पकालीन, मध्यकालीन र दीर्घकालीन कार्ययोजना बनाई समयवद्ध रूपमा कार्यान्वयन गर्न सरकारलाई निर्देशन दिएको छ ।
बिहीवार सिंहदरबारमा बसेको प्रतिनिधि सभाको पूर्वाधार विकास समितिले यस्तो निर्देशन दिने निर्णय गरेको समिति सभापति आशिष गजुरेलले बताउनुभएको हो । उहाँकाअनुसार बैठकले मधेस प्रदेश तथा तराई क्षेत्रमा स्यालो ट्युबेलबाट खानेपानी उपलब्ध हुन छाडेका स्थानमा तत्काल वैकल्पिक स्रोतको व्यवस्था गर्न गरी खानेपानीको आपूर्ति गर्न समेत सरकारलाई निर्देशन दिएको छ ।
सभापति गजुरेलले मधेश प्रदेशमा अधुरा रहेका १ सय ७६ वटा ओभरहेड ट्याङ्कीसम्बन्धी आयोजना आवश्यक बजेट व्यवस्थापन गरी शीघ्र सम्पन्न गर्न सरकारलाई निर्देशन दिनुभयो । उहाँले काठमाडौं उपत्यकामा मेलम्ची, वागमतीलगायत खानेपानीका स्रोतको संरक्षण, विकास तथा व्यवस्थापन गरी दीर्घकालीन रूपमा खानेपानीको दिगो आपूर्ति सुनिश्चित गर्न समेत निर्देशन दिएको छ ।
उहाँले सुनकोशी-मरिण डाइभर्सनबाट मधेश तथा तराई क्षेत्रमा दीर्घकालीन रूपमा खानेपानी उपलब्ध गराउने सम्भावनाबारे चालु आर्थिक वर्षभित्रै सम्भाव्यता अध्ययन सम्पन्न गरी लागत, स्रोत, प्रविधि तथा कार्यान्वयनको स्पष्ट खाका तयार गरी कार्यान्वयन गर्न समेत सरकारलाई निर्देशन दिनुभयो ।
उहाँले भन्नुभयो, ‘नागरिकलाई स्वच्छ, सुरक्षित तथा पर्याप्त खानेपानी उपलब्ध गराउने कार्यलाई उच्च प्राथमिकतामा राखी अल्पकालीन, मध्यकालीन र दीर्घकालीन कार्ययोजना बनाई समयवद्ध रूपमा कार्यान्वयन गर्ने, मधेस प्रदेश तथा तराई क्षेत्रमा स्यालो ट्युबेलबाट खानेपानी उपलब्ध हुन छाडेका कारण खानेपानीको समस्या उत्पन्न भएका स्थानमा वैकल्पिक स्रोतको तत्काल व्यवस्था गर्ने तथा मधेस प्रदेशमा अधुरा रहेका १७६ वटा ओभरहेड ट्याङ्की सम्बन्धी आयोजना आवश्यक बजेटको व्यवस्थापन गरी शिघ्र सम्पन्न गर्ने, काठमाडौं उपत्यकामा मेलम्ची, वागमती लगायतका खानेपानी स्रोतको संरक्षण, विकास तथा व्यवस्थापन गरी दीर्घकालीन रूपमा खानेपानीको दिगो आपूर्ति सुनिश्चित गर्ने साथै राष्ट्रिय निकुञ्ज तथा अन्य निकायहरूसँगको समन्वयमा पानी ल्याउने कार्यमा देखिएका समस्याको समाधान गर्ने, सुनकोशी मरिण डाइभर्सनबाट मधेस तथा तराई क्षेत्रमा दीर्घकालीन रूपमा खानेपानी उपलब्ध गराउने सम्भावनाको सम्बन्धमा आवश्यक सम्भाव्यता अध्ययन यसै आर्थिक वर्षमा सम्पन्न गरी लागत, स्रोत, प्रविधि तथा कार्यान्वयनको स्पष्ट खाका तयार गर्ने र नेपालका सम्पूर्ण बस्तीलाई समेटेर पानीको मुहान र सो मुहानको व्यवस्थापनबाट वरपरका बस्तीमा आवश्यक खानेपानीको व्यवस्थापन गर्ने गरी संघीय सरकारका मन्त्रालयले एउटा वृहत गुरुयोजना, यो चाहिँ इन्ट्रिग्रेटेड मास्टर प्लान तयार गरी सोको कार्यान्वयनको लागि प्रदेश र स्थानीय तहलाई समेत जिम्मेवार हुने गरी एकीकृत खाका बनाई समस्याको समाधान गर्ने निर्देशन दिने निर्णय गरेका छौँ ।’
सभापति गजुरेलले पानीका मुहान तथा तिनको व्यवस्थापनमार्फत आसपासका बस्तीमा खानेपानीको व्यवस्था गर्ने गरी संघीय सरकारका सम्बन्धित मन्त्रालयले ‘इन्ट्रिग्रेटेड मास्टर प्लान’ तयार गर्न समेत सुझाव दिएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
आइडाद्वारा एमआइएइडी कार्यक्रम सुरु
घरको नक्सा डिजाइनमा ३३ प्रतिशत
केएमसीमा साउन २४ गते ‘जब
ज्योति बैंकमा नेपालपे कार्ड सेवा
‘कथा सुनाउनुहोस्, पल्सर जित्नुहोस्’
एथरको मेगा उपहार योजना