काठमाडाैं । नेपाल उद्योग परिसंघ (सिएनआई)का अध्यक्ष वीरेन्द्रराज पाण्डेले मुलुकमा सुशासन कायम गर्नको लागि सबै सरकारी सेवाहरु ‘पेपरलेस’ र ‘फेसलेस’ हुन आवश्यक रहेको बताउनुभएको छ ।
काठमाडौं आयोजित एक अभिमुखिकरण कार्यक्रममा बोल्दै उहाँले यस्तो बताउनुभएको हो । सरकारी सेवाहरु ‘कन्ट्याक्टलेस, पेपरलेस र फेसलेस’ भए मात्र मुलुकमा सुशासन कायम हुन सक्ने उहाँको भनाइ छ । अध्यक्ष पाण्डेले उद्योग विभागका सबै सेवाहरु डिजिटल प्रणालीमार्फत हुने कुराले सेवा प्रवाहलाई थप प्रभावकारी बनाउने बताउनु भयो ।
उहाँले विगतमा समेत उद्योग विभागले डिजिटल प्रणालीमर्फत सेवा प्रवाह गर्ने भनेपनि फाइल बोकेर कुद्नुपर्ने अवस्था रहेकोमा अगामी दिनमा त्यस्तो अवस्था आउन नदिने कुरामा विभाग गम्भीर हुनुपर्ने बताउनु भयो । डिजिटल सार्वजनिक पूर्वाधार निर्माण गरी सरकारी निकायका प्रणालीहरूलाई आपसमा अन्तरसम्बन्धित बनाउनुपर्नेमा समेत उहाँको जोड छ ।
उहाँले भन्नुभयो,‘हामीले पहिलेदेखि उठाउँदै आएको विषय गुड गभर्नेन्सको बेसिक फण्डामेन्टल भनेको कन्ट्याक्टलेस, पेपरलेस र फेसलेस इनिसियटिभ हुनुपर्छ भन्ने हो । हामीले सबै कुराहरुमा डिजिटल्ली सबै जाने भनेर भन्दा पनि फेरी प्रिन्ट गरेर फाइल लिएर जानुपर्ने खालको सिचुएसन थियो । त्यसले खासै प्रभाव नदिएको अवस्थामा अब उद्योग विभाग पूर्ण रुपमा डिजिटल प्रणालीमा जाने कुरा हाम्रो लागि पनि खुशीको कुरा हो । यसले कामको प्रभावकारीता बढाउनुका साथै समयको समेत बचत हुन्छ । यसको मल्टिपल बेनिफिटहरु छ । तर ग्राजुयल्ली हामी जानुपर्ने भनेको त्यो डिजिटल पब्लिक इन्फ्रास्ट्रक्चर बनाएर सबै कुराहरू चाहीँ मलिटपल इन्ट्री नगरिकन सबै इन्टरकनेक्टेड गरेर जानुपर्ने हो । त्यो विषयमा इनिसियटिभ भइरहेको छ भन्ने कुरा पनि आएको छ । यसले अब हाम्रो कस्ट अफ डुइङ बिजनेसलाई, एफिसियन्सीलाई पनि इम्प्रुभ गर्छ । हाम्रो इन्भेस्टर्सहरू, एफडीआई लगायत सबैलाई पनि यसले सहयोग पुग्ने विश्वास छ ।’
उहाँले स्वदेशी तथा विदेशी लगानीकर्ता र प्रत्यक्ष वैदेशिक लगानी (एफडीआई)लाई आकर्षित गर्नसमेत डिजिटल प्रणालीले सहयोग पुग्ने विश्वास व्यक्त गर्नुभयो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
पर्यटन नीति एकातिर, बजेटको बाटो
कांग्रेस केन्द्रीय समिति बैठक बस्दै,
इलाममा अदुवाको आकर्षक मूल्य, खेती
कान्ति राजमार्ग स्तरोन्नतिको भौतिक प्रगति
तीनबुँदे सहमतिअनुसार कर्णालीमा मन्त्रिपरिषद् विस्तार
नाइमा मोबिलिटी एक्स्पोमा ५५ ब्रान्ड