काठमाडौं विश्वविद्यालयको उपकुलपतिमा प्रा.डा. विवेक बराल नियुक्त

हिमालय टाइम्स

Friday August 14, 2026

हिमालय टाइम्स

Friday August 14, 2026

Read Time = 2 mins

डिजिटल संस्करण

समाचार

A A- A+

काठमाडौं । काठमाडौं विश्वविद्यालय (केयू) को उपकुलपतिमा प्रा.डा. विवेक बराल नियुक्त हुनुभएको छ।

विश्वविद्यालयका कुलपतिसमेत रहनुभएका प्रधानमन्त्री बालेन शाहले प्रा.डा. बराललाई उपकुलपतिमा नियुक्त गर्नुभएको हो।

शिक्षा तथा खेलकुदमन्त्री सस्मित पोखरेलको अध्यक्षतामा गठित सिफारिस समितिले बरालको नाम उपकुलपतिका लागि सिफारिस गरेको थियो। समितिको सिफारिसका आधारमा प्रधानमन्त्री शाहले उहाँलाई नियुक्त गर्नुभएको हो।

नवनियुक्त उपकुलपति प्रा.डा. बराल काठमाडौं विश्वविद्यालयको मेकानिकल इन्जिनियरिङ विभागमा प्राध्यापकका रूपमा कार्यरत हुनुहुन्छ।

उहाँको नियुक्तिसँगै काठमाडौं विश्वविद्यालयको शैक्षिक तथा प्रशासनिक नेतृत्वमा नयाँ कार्यकाल सुरु भएको छ।