काठमाडौं । साहित्यिक पत्रकार संघले आफ्नो ५५औँ वार्षिकोत्सवका अवसरमा पाँचजना स्रष्टालाई ‘सापस विशिष्ट सर्जक सम्मान’द्वारा अभिनन्दन गरेको छ । सम्मानित हुनेमा संस्कृतिविद् डा. पुरुषोत्तमलोचन श्रेष्ठ, चित्रकार प्रा. मदन चित्रकार, कवि ज्ञान उदास तथा कलाकारद्वय चैत्यदेवी सिंह र सन्तोष पन्त रहनुभएको छ । संघका अध्यक्ष राधेश्याम लेकालीको सभापतित्वमा अनामनगरस्थित डालो रेस्टुरेन्टमा सम्पन्न कार्यक्रममा नेपाल ललितकला प्रज्ञाप्रतिष्ठानका पूर्वकुलपति के.के. कर्माचार्यले सम्मानित स्रष्टाहरूलाई बधाई तथा शुभकामना दिनुभएको थियो ।
कार्यक्रममा सम्मानित व्यक्तित्वहरूलाई दोसल्ला, ढाका टोपी र फूलमाला लगाई अभिनन्दनपत्र प्रदान गरिएको थियो । सोही अवसरमा ‘व्यथित काव्य डायस्पोरा सम्मान २०८२’ कवि दीपा राई पुनलाई प्रदान गरिएको थियो ।
समालोचक प्रमोद प्रधानले सम्मानित स्रष्टाहरूको साहित्यिक तथा कलायात्राबारे संक्षिप्त परिचय प्रस्तुत गर्नुभएको थियो । कार्यक्रममा नेपाल स्रष्टा समाजका अध्यक्ष श्रीओम श्रेष्ठ ‘रोदन’, कलाकार मदनदास श्रेष्ठ तथा इतिहासविद् प्रा.डा. सुरेन्द्र केसीले शुभकामना मन्तव्य राख्नुभएको थियो ।
अभिनन्दित स्रष्टाहरूले सम्मानका लागि आभार व्यक्त गरेका थिए । कवि ज्ञान उदासले आफ्ना दुई मुक्तक वाचन गर्नुभएको थियो भने गायिका सरिता सायमीले तारादेवीको स्वरमा रहेको ‘आँखाहरूले रून नखोजे, ओठहरूले हाँस्न नखोजे’ गीत प्रस्तुत गर्नुभएको थियो ।
संघकी कोषाध्यक्ष पद्मावती सिंहले धन्यवाद ज्ञापन गरेको कार्यक्रम साहित्यकार सविता श्रेष्ठ ‘बेहोसी’ले सञ्चालन गर्नुभएको थियो । वि.सं. २०२९ मा स्थापित संघले विभिन्न साहित्यिक तथा सिर्जनात्मक गतिविधिसँगै स्रष्टा सम्मान, कथा दिवस तथा कृति प्रकाशनलगायतका कार्य गर्दै आएको अध्यक्ष लेकालीले जानकारी दिनुभयो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
पर्यटन नीति एकातिर, बजेटको बाटो
कांग्रेस केन्द्रीय समिति बैठक बस्दै,
इलाममा अदुवाको आकर्षक मूल्य, खेती
कान्ति राजमार्ग स्तरोन्नतिको भौतिक प्रगति
तीनबुँदे सहमतिअनुसार कर्णालीमा मन्त्रिपरिषद् विस्तार
नाइमा मोबिलिटी एक्स्पोमा ५५ ब्रान्ड