हेटौँडा । मकवानपुरमा एक वर्षको अवधिमा ३१ जना नयाँ एचआईभी संक्रमित थपिएका छन् । परीक्षणको दायरा विस्तार हुँदै जाँदा जिल्लामा लुकेर रहेका संक्रमित पहिचान हुने क्रम पनि बढेको स्वास्थ्यकर्मीहरूले बताएका छन् ।
जिल्ला स्वास्थ्य कार्यालय मकवानपुरकाअनुसार आर्थिक वर्ष २०८१/८२ मा ९ हजार ५ सय ५९ जनाको एचआईभी परीक्षण गर्दा ४० जनामा संक्रमण पुष्टि भएको थियो । त्यसअघि आर्थिक वर्ष २०८०/८१ मा ७ सय ६७ जनाको परीक्षण गर्दा ३८ जनामा संक्रमण देखिएको थियो ।
हालसम्म मकवानपुरमा ५ सय ९३ जनामा एचआईभी संक्रमण पुष्टि भएको छ । तीमध्ये ३ सय ३८ जना नियमित औषधि सेवनमा रहेको र ५० जनाको मृत्यु भइसकेको एआरटी सेन्टरले जनाएको छ ।
हेटौँडा अस्पतालस्थित एआरटी सेन्टरबाट संक्रमितलाई नियमित औषधि, उपचार तथा परामर्श दिइँदै आएको छ । स्वास्थ्यकर्मीकाअनुसार नियमित रूपमा ‘टीएलडी’ औषधि सेवन गरेमा भाइरसको मात्रा नियन्त्रणमा राख्दै संक्रमितले दीर्घकालीन रूपमा सामान्य जीवन बिताउन सक्छन्।
मकवानपुरमा गर्भवती महिलाको एचआईभी परीक्षणलाई समेत प्राथमिकता दिइएको छ । अघिल्लो आर्थिक वर्षमा दुई जना गर्भवती महिलामा संक्रमण पुष्टि भएको स्वास्थ्य कार्यालयले जनाएको छ । समयमै संक्रमण पहिचान गरी उपचार र आवश्यक सावधानी अपनाउन सके आमाबाट बच्चामा संक्रमण सर्नबाट रोक्न सकिने स्वास्थ्यकर्मीहरूको भनाइ छ ।
स्वास्थ्यकर्मीहरूले एचआईभी नियन्त्रणका लागि नियमित परीक्षण, सुरक्षित यौन व्यवहार, सुरक्षित रगत तथा समयमै उपचारलाई प्राथमिकता दिनुपर्ने बताएका छन्। साथै संक्रमितप्रति हुने सामाजिक विभेद र भ्रम हटाउन जनचेतना विस्तार गर्नुपर्नेमा पनि जोड दिइएको छ ।
मकवानपुरमा संक्रमितको संख्या बढ्नुले परीक्षणको पहुँच विस्तार भएको देखाए पनि रोकथाम, सचेतना र उपचार सेवामा अझ प्रभावकारी काम गर्नुपर्ने आवश्यकता देखिएको स्वास्थ्यकर्मीहरूले बताएका छन् ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
कांग्रेस केन्द्रीय कार्यसमितिको बैठक सुरु,
भदौदेखि रास्वपाको ‘नागरिक, नीति र
बालेन नेतृत्वको सरकार शासकीय अराजकतामा
कांग्रेसभित्र बृहद् एकताका लागि राष्ट्रिय
विशेष महाधिवेशनबारे सर्वोच्चको पुनरावलोकन सामना
फापरखेत पहिरोको विकल्पमा पक्की मोटरेबल