निक्षेपको ब्याजदर घटाउँदै, नाफा बढाउँदै बैंकहरू

काठमाडौं । पछिल्लो समय वाणिज्य बैंकहरूको ब्याजदर निरन्तररूपमा घट्दोक्रममा रहेको छ । सञ्चालनमा रहेका २० वटा वाणिज्य बैंकहरूले भदौ महिनाका लागि पनि निक्षेपको ब्याजदर घटाएका छन् । वाणिज्य बैंकहरूले भदौका लागि सार्वजनिक गरेको ब्याजदरअनुसार व्यक्तिगत निक्षेपतर्फको औसत अधिकतम ब्याजदर साउनको ४.१६७५ प्रतिशतबाट ०.०३१५ प्रतिशत घटेर ४.१३६ प्रतिशतमा झरेको छ भने संस्थागत निक्षेपको औसतदर ३.११६ प्रतिशतबाट घटेर ३.०८१ प्रतिशतमा झरेको छ ।

भदौका लागि वाणिज्य बैंकहरूले व्यक्तिगत निक्षेपकर्ता र संस्थागत निक्षेपकर्तालाई दिने औसतमा ब्याजदर क्रमशः ४.१३ र ३.०८ प्रतिशत रहेको छ । भदौका लागि कुल पाँच वाणिज्य बैंकहरूले ब्याजदर घटाएका छन् भने १५ वटा बैंकको ब्याजदर स्थिर रहेको छ । सिद्धार्थ बैंकले व्यक्तिगततर्फ सबैभन्दा बढी ०.२९ र संस्थागततर्फ ०.२ प्रतिशतले ब्याजदर घटाउँदै क्रमशः ३.७६ र ३.०५ प्रतिशतमा झारेको छ । नेपाल बैंकले व्यक्तिगतमा ०.१ र संस्थागतमा ०.५ प्रतिशत घटाएर क्रमशः ४.१५ र ३.५ प्रतिशतमा झारेको छ भने सिटिजन्स बैंकले व्यक्तिगत दर ३.८५ प्रतिशत, कुमारी बैंकले ३.७६ प्रतिशत र स्ट्याण्डर्ड चार्टर्ड बैंकले ३.८ प्रतिशतमा झारेका छन् ।

गत आर्थिक वर्ष २०८२/८३ मा २० वटा वाणिज्य बैंकले झण्डै ७० अर्ब ६९ अर्ब ८६ करोड ६० लाख रुपैयाँ खुद नाफा आर्जन गरेका छन् । अघिल्लो आर्थिक वर्षको तुलनामा ३२.२७ प्रतिशत अर्थात् १७ अर्ब चार करोड ८५ लाख रुपैयाँले नाफा बढेको हो ।

नबिल बैंक र प्रभु बैंकले अधिकतम ४.५५ प्रतिशत व्यक्तिगत ब्याजदर निर्धारण गरेका छन् भने नेपाल इन्भेष्टमेन्ट मेगा, एनएमबी, सानिमा, माछापुच्छ्रे, राष्ट्रिय वाणिज्य र ग्लोबल आइएमई बैंकसहित कुल १५ वटा बैंकहरूले साउन महिनाकै ब्याजदरलाई निरन्तरता दिएका छन् ।

वाणिज्य बैंकहरूको नाफा ७० अर्ब नजिक
गत आर्थिक वर्ष २०८२/८३ मा २० वटा वाणिज्य बैंकले झण्डै ७० अर्ब ६९ अर्ब ८६ करोड ६० लाख रुपैयाँ खुद नाफा आर्जन गरेका छन् । नाफा अघिल्लो आर्थिक वर्षको तुलनामा ३२.२७ प्रतिशत अर्थात् १७ अर्ब चार करोड ८५ लाख रुपैयाँले बढेको हो । अघिल्लो आर्थिक वर्ष २०८१/८२ मा ५२ अर्ब ८१ करोड ७५ लाख रुपैयाँ खुद नाफा आर्जन गरेका थिए । वाणिज्य बैंकहरूले सार्वजनिक गरेको अपरिष्कृत वित्तीय विवरणअनुसार गत वर्ष सबैभन्दा बढी खुद नाफा आर्जन गर्नेमा नबिल बैंक रहेको छ । जसले सात अर्ब ९० करोड ५७ लाख रुपैयाँ खुद नाफा आर्जन गरेको छ । जुन अघिल्लो वर्षको सोही अवधिको तुलनामा ३३.५० प्रतिशतले बढी हो । अघिल्लो वर्ष नबिलले पाँच अर्ब ९२ करोड २१ लाख रुपैयाँ नाफा आर्जन गरेको थियो । नाफा वृद्धिदरका आधारमा सबैभन्दा अगाडि रहेको हिमालयन बैंकको खुद नाफा एक हजार ४१ प्रतिशतले बढेर एक अर्ब ४८ करोड तीन लाख रुपैयाँ पुगेको छ । अघिल्लो वर्ष बैंकले १२ करोड ९७ लाख रुपैयाँ नाफा आर्जन गरेको थियो । कुमारी बैंकले सात अर्ब ३८ करोड ७१ लाख रुपैयाँ खुद नाफा आर्जन गर्दै ३०५.९५ प्रतिशतले नाफा बढाएको छ । अघिल्लो वर्षको सोही अवधिमा उक्त बैंकको नाफा एक अर्ब ८१ करोड ९६ लाख रुपैयाँ थियो ।

त्यस्तै सिटिजन्स बैंकको नाफा पनि ६३.०५ प्रतिशत बढेर दुर्ई अर्ब नौ करोड ८६ लाख पुगेको छ । अघिल्लो वर्ष बैंकले एक अर्ब २८ करोड ७१ लाख रुपैयाँ खुद नाफा आर्जन गरेको थियो । बैंकको खुद नाफा ८१ करोड १५ लाख रुपैयाँभन्दा बढीले बढेको हो । राष्ट्रिय वाणिज्य बैंकको नाफा ६०.६८ प्रतिशत बढेर चार अर्ब ५५ करोड ६८ लाख ९१ हजार रुपैयाँ पुगेको छ । अघिल्लो वर्ष बैंकले दुई अर्ब ८३ करोड ६० लाख दुई हजार रुपैयाँ नाफा आर्जन गरेको थियो भने नेपाल बैंकको नाफा ४६.२० प्रतिशत बढेर चार अर्ब ५० करोड एक लाख ९९ हजार रुपैयाँ पुगेको छ । अघिल्लो वर्ष तीन अर्ब सात करोड ८० लाख ३० हजार रुपैयाँ नाफा आर्जन गरेको थियो ।

त्यस्तै एनएमबी बैंकको नाफा पनि ४०.६० प्रतिशत बढेर चार अर्ब एक करोड ३६ लाख ७१ हजार पुगेको छ । अघिल्लो वर्ष बैंकले दुई अर्ब ८५ करोड ४६ लाख ३८ हजार रुपैयाँ खुद नाफा आर्जन गरेको थियो भने सानिमा बैंकको ३८ प्रतिशत बढेर तीन अर्ब ५५ करोड एक लाख ४४ हजार पुगेको छ । अघिल्लो वर्ष बैंकले दुई अर्ब ५७ करोड २४ लाख ६३ हजार रुपैयाँ खुद नाफा आर्जन गरेको थियो ।

त्यसैगरी प्राइम कमर्सियल बैंकको २८.४८ प्रतिशत बढेर चार अर्ब ११ करोड २५ लाख ६८ हजार पुगेको छ । अघिल्लो वर्ष बैंकले तीन अर्ब २० करोड सात लाख ५८ हजार रुपैयाँ खुद नाफा आर्जन गरेको थियो भने ग्लोबल आइएमई बैंकको नाफा पनि २२.६७ प्रतिशत बढेर छ अर्ब २२ करोड ७१ लाख ५६ हजार रुपैयाँ पुगेको छ । अघिल्लो वर्ष पाँच अर्ब सात करोड ६३ लाख चार हजार रुपैयाँ खुद नाफा आर्जन गरेको थियो ।

नेपाल एसबिआई बैंकको नाफा पनि १२.८८ प्रतिशत बढेर दुई अर्ब चार करोड ४३ लाख ३० हजार पुगेको छ । अघिल्लो वर्ष एक अर्ब ८१ करोड नौ लाख ६० हजार रुपैयाँ खुद नाफा आर्जन गरेको थियो भने माछापुच्छ्रे बैंकको नाफा १२.२४ प्रतिशत बढेर दुई अर्ब ११ करोड ४१ लाख २० हजार पुगेको छ । अघिल्लो वर्ष एक अर्ब ८८ करोड ३६ लाख ४३ हजार रुपैयाँ खुद नाफा आर्जन गरेको थियो । एभरेष्ट बैंकको नाफा ४.७५ प्रतिशत बढेर पाँच अर्ब छ करोड ९९ लाख ३६ हजार पुगेको छ । अघिल्लो वर्ष चार अर्ब ८३ करोड ९९ लाख तीन हजार खुद नाफा आर्जन गरेको थियो ।

त्यस्तै सिद्धार्थ बैंकको नाफा पनि ४.५४ प्रतिशत बढेर तीन अर्ब ५१ करोड ९४ लाख नौ हजार पुगेको छ । अघिल्लो वर्ष तीन अर्ब ३६ करोड ६५ लाख ९४ हजार नाफा आर्जन गरेको थियो । अघिल्लो वर्ष घाटामा रहेको एनआइसी एसिया बैंकले गत आर्थिक वर्ष १८ करोड १७ लाख रुपैयाँ नाफा आर्जन गरेको छ । अघिल्लो वर्ष बैंक तीन अर्ब ८७ करोड २० लाख ४२ हजार रुपैयाँ खुद घाटामा रहेको थियो । स्ट्याण्डर्ड चार्टर्ड बैंकको नाफा भने ५.३८ प्रतिशतले घटेर दुई अर्ब ८५ करोड दुई लाख १० हजारमा झरेको छ । अघिल्लो वर्ष बैंकले तीन अर्ब एक करोड २५ लाख ६३ हजार रुपैयाँ खुद नाफा आर्जन गरेको थियो । लक्ष्मी सनराइज बैंकको नाफा पनि २३.२६ प्रतिशतले घटेर तीन अर्ब ११ करोड ७१ लाख ३१ हजार रुपैयाँमा झरेको छ । अघिल्लो वर्ष बैंकले चार अर्ब छ करोड २० लाख ४५ हजार रुपैयाँ खुद नाफा आर्जन गरेको थियो ।

त्यसैगरी कृषि विकास बैंकको नाफा पनि २९.५१ प्रतिशत घटेर दुई अर्ब ६३ करोड छ लाख ४१ हजारमा झरेको छ । अघिल्लो वर्ष तीन अर्ब ७३ करोड २४ लाख १६ हजार रुपैयाँ खुद नाफा आर्जन गरेको थियो । नेपाल इन्भेष्टमेन्ट मेगा बैंकको नाफा पनि ३६.५८ प्रतिशत घटेर दुई अर्ब ७४ करोड ७२ लाख १६ हजार रुपैयाँमा झरेको छ । अघिल्लो वर्ष चार अर्ब ३३ करोड २२ लाख ८२ हजार रुपैयाँ खुद नाफा आर्जन गरेको थियो । गत आर्थिक वर्ष{ प्रभु बैंक २४ करोड १२ लाख ४३ हजार रुपैयाँ घाटामा रहेको छ । अघिल्लो वर्ष भने बैंकले ८७ करोड २३ लाख २६ हजार रुपैयाँ खुद नाफा आर्जन गरेको थियो ।