शुक्रबार लक्ष्मी पूजा गर्दै हुनुहुन्छ ? यी कुरामा ध्यान दिनुहोस्

हिमालय टाइम्स

Friday August 21, 2026

हिमालय टाइम्स

Friday August 21, 2026

Read Time = 3 mins

डिजिटल संस्करण

अध्यात्म/संस्कृति

A A- A+

काठमाडाैं । शुक्रबार हिन्दू धर्मावलम्बीले माता लक्ष्मी, सन्तोषी माता, वैभवलक्ष्मी, अन्नपूर्णेश्वरी माता तथा दुर्गा भवानीको पूजा–आराधना गर्ने धार्मिक मान्यता छ। यस दिन विशेषगरी आर्थिक समृद्धि, सुख–शान्ति र मनोकांक्षा पूरा हुने विश्वासका साथ विभिन्न व्रत तथा पूजा गरिन्छ ।

धर्मशास्त्रीय मान्यताअनुसार शुक्रबार माता लक्ष्मीको व्रत बसेर विधिपूर्वक पूजा आराधना गर्दा आर्थिक पक्ष बलियो हुने विश्वास छ। व्रत बस्नेले फलाहारका रूपमा चना र सख्खर प्रयोग गर्नु उत्तम मानिन्छ भने अमिलो पदार्थ खान नहुने धार्मिक मान्यता रहेको छ ।

शुक्रबार सेतो कपडा लगाउने, घरमा खीर बनाएर गरिब तथा आवश्यक परेकालाई बाँड्ने परम्परा पनि छ । यसो गर्दा घरमा सुख–समृद्धि र अन्नको कमी नहुने विश्वास गरिन्छ। सन्तोषी माताको व्रत बस्दा मनोकांक्षा पूरा हुने तथा पारिवारिक जीवनमा सुख–शान्ति प्राप्त हुने धार्मिक विश्वास छ ।

ज्योतिषीय मान्यताअनुसार शुक्र ग्रह पीडित भएका व्यक्तिले शुक्रबार व्रत बस्नुका साथै सेतो वस्तु दान गर्दा लाभ मिल्ने विश्वास गरिन्छ । सेतो घोडा, सेतो तथा रेशमी कपडा, चिनी, चन्दन, कपुर, सुगन्धित वस्तु र खाद्य तेल दान गर्नुपर्ने मान्यता छ। शुक्रसँग सम्बन्धित रत्न दान गर्दा पनि ग्रहको नकारात्मक प्रभाव कम हुने विश्वास गरिन्छ ।

यसरी शुक्रबारलाई धार्मिक रूपमा लक्ष्मी पूजा, सन्तोषी माताको व्रत तथा शुक्र ग्रहको शान्तिका लागि विशेष दिनका रूपमा लिइन्छ । यद्यपि यी धार्मिक तथा ज्योतिषीय मान्यताहरू आस्था र परम्परामा आधारित हुन् ।

लक्ष्मी पूजा

यो खबर पढेर तपाईलाई कस्तो महसुस भयो ?