काठमाडौं । राष्ट्रिय स्वतन्त्र पार्टी (रास्वपा) को केन्द्रीय समिति बैठक आज बस्दैछ । वनस्थलीस्थित पार्टी कार्यालयमा बिहान ११ बजे बस्ने बैठकमा आगामी स्थानीय तह निर्वाचनको तयारी, संगठन सुदृढीकरण तथा पार्टीका विभिन्न सांगठनिक विषयमा छलफल हुने भएको छ ।
बैठकमा स्थानीय तह निर्वाचनका लागि उम्मेदवार छनोटसम्बन्धी रूपरेखा अनुमोदन गर्ने र केन्द्रीय उम्मेदवार छनोट समिति गठन गर्ने तयारी छ । उम्मेदवार छनोटको प्रक्रिया तथा विधिबारे कार्यकर्तालाई जानकारी गराउन देशव्यापी प्रशिक्षण र अभिमुखीकरण सञ्चालन गर्ने प्रस्तावसमेत बैठकमा पेस हुने जनाइएको छ ।
यस्तै, रास्वपाले लामो समयदेखि उठाउँदै आएको ‘राइट टु रिकल’ सम्बन्धी दस्तावेज निर्माण तथा त्यसलाई कार्यान्वयन गर्न आवश्यक कानुनी र राजनीतिक खाका तयार गर्ने विषयमा पनि छलफल हुने भएको छ ।
बैठकमा पार्टीका रिक्त तथा थप गर्नुपर्ने पदमा मनोनयन, सचिवालय सदस्य तथा विभागीय प्रमुखको जिम्मेवारी बाँडफाँटलगायत संगठनात्मक विषयमा समेत निर्णय हुने अपेक्षा गरिएको छ ।
यसैगरी, पार्टीका धारणा, नीति तथा गतिविधि सार्वजनिक गर्ने उद्देश्यले ‘स्वतन्त्र’ नामक मासिक डिजिटल पत्रिका प्रकाशन गर्ने प्रस्ताव पनि बैठकमा छलफलका लागि पेस हुने भएको छ ।
रास्वपाले आगामी स्थानीय तह निर्वाचनलाई लक्षित गर्दै संगठन विस्तार तथा उम्मेदवार छनोट प्रक्रियालाई व्यवस्थित बनाउने तयारी गरिरहेका बेला बस्न लागेको बैठकलाई महत्वपूर्ण रूपमा हेरिएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बाढीपीडितलाई सहयोग गर्ने सन्देशसहित सांस्कृतिक
मकवानपुरमा ट्राफिक कारबाही बढ्दा पनि
संक्रामक पशु रोगबाट प्रभावित किसानलाई
त्रिभुवन विमानस्थलमा दुर्गा प्रसाईँ समर्थक
त्रिभुवन राजपथको सडक भासियो, एकतर्फी
ब्रिक्समा नेपाल नबोलाइनुको कारण भारत