काठमाडौं । चीनको सिजाङ (तिब्बत) स्वायत्त क्षेत्रस्थित केरुङ (ग्याइरोङ) काउन्टीमा दृश्य कैद गरिरहेका एक पर्यटकको क्यामरामा नेपालतर्फको उच्च हिमाली क्षेत्रमा भएको हिमनदी पहिरो (ग्लेसियर कोल्याप्स) को दुर्लभ दृश्य कैद भएको छ ।
चिनियाँ एकेडेमी अफ साइन्सेजअन्तर्गतको ‘इन्स्टिच्युट अफ माउन्टेन हाजाड्र्स एन्ड इन्भायरोन्मेन्ट’ का निर्देशक काङ सिचाङले भिडियोमा देखिएको हिमनदी पहिरोको स्थान रिमोट सेन्सिङबाट प्राप्त उपग्रह तस्बिरसँग मेल खाएको पुष्टि गर्नुभएको छ ।
विज्ञहरूका अनुसार उच्च हिमाली क्षेत्रमा भएको हिमनदीको ठूलो हिस्सा भत्किएर हिउँ, चट्टान र पानीसहितको शक्तिशाली प्रवाह तलतर्फ आएको थियो । त्यसपछि ठूलो मात्रामा लेदो र ढुंगामाटोसहितको बाढी बनेर केरुङ नाका तथा नेपालतर्फको भोटेकोशी क्षेत्रमा विनाश मच्चिएको हो ।
पर्यटकले संयोगवश खिचेको भिडियोले विपद्को कारणबारे थप महत्वपूर्ण प्रमाण उपलब्ध गराएको अधिकारीहरूको भनाइ छ । यसअघि घटनाको कारणबारे विभिन्न अनुमान भइरहेका बेला उपग्रह तस्बिर र प्रत्यक्ष भिडियोबीचको तुलना घटनाको वास्तविक कारण पहिचान गर्न महत्वपूर्ण बनेको हो ।
हिमनदी भत्किएपछि बनेको तीव्र बहावले नेपाल–चीन सीमावर्ती क्षेत्रमा ठूलो क्षति पुर्याएको छ । बाढी र लेदोले बस्ती, सडक, पुल तथा जलविद्युत् आयोजनासहितका संरचनामा व्यापक क्षति पुर्याएको छ भने ठूलो मानवीय क्षतिसमेत भएको छ ।
वैज्ञानिकहरूले हिमाली क्षेत्रमा बढ्दो तापक्रम र हिमनदीको अस्थिरताले यस्ता घटनाको जोखिम बढाइरहेको बताउँदै भविष्यमा यस्ता विपद् रोकथाम तथा पूर्वसूचना प्रणालीलाई थप प्रभावकारी बनाउनुपर्नेमा जोड दिएका छन् ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बाढीले मनास्लु पदमार्ग अवरुद्ध, लार्केपास
नारायणगढ–मुग्लिन सडक सोमबारदेखि आंशिक बन्द,
भोटेकोशी बाढी महाविपत्ति हो, पीडितलाई
मकवानपुरमा मादक पदार्थ सेवनपछि कुटपिट,
‘पीडितकेन्द्रित पुनर्निर्माण’ मा ध्यान दिनुस्ः
देवीघाटको ताँदी नदीमा बेलीब्रिज जडान