नवलपरासी । नारायणी नदीमा आएको भीषण बाढीपछि पश्चिम नवलपरासीको सुस्ता क्षेत्रमा हालसम्म १ सय ८० वटा शव तथा मानव अंग फेला परेका छन्। तीमध्ये ९८ वटाको व्यवस्थापन भइसकेको पृथ्वीचन्द्र अस्पताल परासीले जनाएको छ।
शव व्यवस्थापनमा ढिलाइ हुँदा परासी बजार क्षेत्रमा समेत दुर्गन्ध फैलिन थालेपछि लुम्बिनी प्रदेशका मुख्यमन्त्री चेतनारायण आचार्यले मंगलबार पृथ्वीचन्द्र अस्पतालसहित शव व्यवस्थापन भइरहेका क्षेत्रको स्थलगत निरीक्षण गर्नुभएको छ।
मुख्यमन्त्री आचार्यले सुनवल–४ स्थित मूलपानी सामुदायिक वन उपभोक्ता समूह र बर्दघाट–२ स्थित चिसापानी सामुदायिक वनमा भइरहेको शव व्यवस्थापनको अवस्थाबारे समेत जानकारी लिनुभएको थियो।
पृथ्वीचन्द्र अस्पतालका मेडिकल सुपरिटेन्डेन्ट डा. बृजकुमार यादवका अनुसार शव व्यवस्थापनका लागि आवश्यक जनशक्ति, व्यक्तिगत सुरक्षा सामग्री (पीपीई) तथा प्लास्टिकलगायतका सामग्रीको अभाव रहेको छ।
निरीक्षणका क्रममा मुख्यमन्त्री आचार्यले प्रदेश सरकारले शव व्यवस्थापनका लागि आवश्यक सबै सहयोग उपलब्ध गराउने प्रतिबद्धता जनाउनुभयो। उहाँले शवको डीएनए परीक्षण तथा व्यवस्थापन कार्यलाई तीव्रता दिन सम्बन्धित निकायलाई निर्देशनसमेत दिनुभयो।
शव व्यवस्थापनमा लाग्ने भैपरी खर्चसमेत प्रदेश सरकारले व्यहोर्ने मुख्यमन्त्री आचार्यले बताउनुभयो।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
इरानमाथि दबाब बढाउँदै अमेरिका
मानव बेचबिखन तथा ओसारपसारमुक्त समाज
भोटेकोशी बाढीमा परेर भारतीय मूलका
पहिरोले कर्णाली करिडोर अवरुद्ध
मानव बेचबिखनविरुद्ध हेटौँडामा सचेतना अभियान
पेट्रोलियम पदार्थको मूल्यवृद्धिप्रति सांसद कार्कीको