काठमाडौं । भोटेकोशी नदीमा आएको विनाशकारी बाढीबाट भएको ठूलो मानवीय तथा भौतिक क्षतिप्रति विश्व तेक्वान्दो मुख्यालय कुकिवनले गहिरो दुःख व्यक्त गरेको छ । कुकिवनका अध्यक्ष युन उङ सुकले गत अगस्ट २८ मा नेपाल तेक्वान्दो संघका अध्यक्ष दीपराज गुरुङलाई पठाएको समवेदना पत्रमा रसुवा, नुवाकोट र धादिङमा आएको भीषण बाढीबाट भएको जनधनको क्षतिप्रति दुःख व्यक्त गर्नुभएको छ ।
विश्व तेक्वान्दोको सर्वोच्च संस्था कुकिवनले विपद्का कारण ज्यान गुमाउनेहरूप्रति श्रद्धाञ्जली अर्पण गर्दै शोकसन्तप्त परिवारप्रति गहिरो समवेदना प्रकट गरेको छ । साथै बाढीबाट प्रभावित समुदायको शीघ्र पुनर्स्थापनाको कामना पनि गरेको छ । कुकिवनको चासोप्रति नेपाल तेक्वान्दो संघले आभार व्यक्त गरेको छ । संघका अध्यक्ष गुरुङले कुकिवनका अध्यक्षलाई पठाएको धन्यवाद पत्रमा नेपाल तेक्वान्दो संघ तथा सम्पूर्ण नेपाली तेक्वान्दो समुदायका तर्फबाट कुकिवनको सहानुभूति र ऐक्यबद्धताका लागि कृतज्ञता व्यक्त गर्नुभएको छ ।
नेपाल तेक्वान्दो संघले कुकिवनको आपसी भाइचारा, मित्रता र चासोलाई नेपाल र कोरियाबीचको प्रगाढ सम्बन्धको प्रतीकमात्र नभई विश्वव्यापी तेक्वान्दो समुदायबीचको मानवीय सम्बन्ध, करुणा, एकता र पारस्परिक सहयोगको उदाहरणका रूपमा लिएको जनाएको छ । संघले कुकिवन परिवारलाई नेपाली जनता तथा तेक्वान्दो समुदायप्रति ऐक्यबद्धता जनाएकोमा धन्यवादसमेत दिएको छ ।
संघले विनाशकारी बाढीबाट सिर्जित राष्ट्रिय विपद्बाट नेपाली नागरिक र तेक्वान्दो परिवारसमेत प्रभावित भएको जनाएको छ । नेपाल तेक्वान्दो संघले आफ्नो पत्रमा यो विपद्ले देशका धेरै परिवार र समुदायलाई प्रभावित बनाएको जनाएको छ । प्राकृतिक विपद्का कारण तेक्वान्दो समुदायसँग जोडिएका व्यक्तिहरू तथा उनीहरूका परिवारले समेत क्षति बेहोर्नुपरेको संघले जनाएको छ । विपत्तिपूर्ण दुःखको विषम परिस्थितिमा कुकिवनले देखाएको सहानुभूति, साथ, समर्थन र ऐक्यबद्धताले नेपाली तेक्वान्दो समुदायलाई ठूलो हौसला दिएको संघले जनाएको छ ।
राष्ट्रिय विपद््को यस कठिन घडीमा नेपाल सरकारले प्रभावित क्षेत्रमा सहयोगका लागि गरेको आह्वानलाई समर्थन गर्दै नेपाल तेक्वान्दो संघले सम्पूर्ण तेक्वान्दो परिवारसँग मिलेर उद्धार कार्यमा सहयोग गर्नुका साथै पीडितका लागि राहत र सहयोग जुटाउने अभियानमा समेत जुट्न सम्पूर्ण तेक्वान्दो परिवारसँग आग्रह गरी सार्वजनिक सूचना र परिपत्र गरेको छ ।
संघले सम्पूर्ण नेपाली तेक्वान्दो परिवारलाई एकजुट बनाएर प्रभावित क्षेत्रका नागरिकलाई सहयोग गर्ने र पीडितका लागि आवश्यक राहत तथा आर्थिक सहयोग जुटाउने प्रयास अघि बढाइरहेको जनाएको छ । नेपाल तेक्वान्दो संघले विपद्का बेला खेलकुद केवल प्रतिस्पर्धा र पदक प्राप्त गर्ने माध्यममात्र नभई मानवीय सहयोग, एकता र सामाजिक जिम्मेवारीको माध्यम पनि हुनुपर्ने सन्देश दिएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
लागुऔषध खैरो हेरोइनसहित मकवानपुरमा तीन
कान्ति राजमार्गको पहिरो पन्छाउने कार्य
भोटेकोशी बाढी : एक हजार
बाढी प्रभावित जिल्लाहरुमा राहत तिब्र,
क्यासिनोमा नेपाली प्रवेश गराई जुवा
पहिरोको जोखिम मोलेर बजारसम्म कृषि