काठमाडाैं । पृथ्वी राजमार्ग अवरुद्ध भएपछि वैकल्पिक मार्ग हुँदै काठमाडौंतर्फ जाने यात्रु तथा चालकको चाप बढेसँगै हेटौँडामा निःशुल्क भोजन सेवा शुरु गरिएको छ ।
नागरिक समाज मकवानपुरको पहल तथा हेटौँडा उपमहानगरपालिका र जिल्ला प्रशासन कार्यालय मकवानपुरको समन्वयमा बिहीबारदेखि हेटौँडा-१ स्थित भाटभटेनी अगाडि निःशुल्क खाना वितरण थालिएको हो । धादिङको कृष्णभीरमा नदीले सडकको तल्लो भाग कटान गरेपछि सडक भासिएर यातायात अवरुद्ध भएपछि त्रिभूवन राजपथ र अन्य वैकल्पिक सडकमा सवारीसाधनको चाप बढेको छ ।
सडकको कमजोर अवस्था, एकतर्फी यातायात र लामो ट्राफिक जामका कारण यात्रु तथा चालक घण्टौँसम्म हेटौँडामा रोकिनुपर्ने अवस्था सिर्जना भएपछि राहतस्वरूप भोजन सेवा सञ्चालन गरिएको नागरिक समाज मकवानपुरले जनाएको छ ।
जिल्ला विपद् व्यवस्थापन समितिअन्तर्गतको खाद्य तथा स्वच्छता क्लस्टर र नागरिक समाजबीच भएको छलफलपछि अभियान शुरु गरिएको प्रमुख जिल्ला अधिकारी वसन्त अधिकारीले जानकारी दिनुभयो । उहाँकाअनुसार सडकको अवस्था सामान्य भई सवारी आवागमन सहज नहुँदासम्म अभियानलाई निरन्तरता दिइनेछ ।
दैनिक दुई चरणमा खाना वितरण गर्ने तयारी गरिएको छ । बिहान ११ बजेदेखि दिउँसो २ बजेसम्म र अपराह्न ४ बजेदेखि साँझ ७ बजेसम्म खाना उपलब्ध गराइनेछ । अभियानमार्फत दैनिक करिव ४ सयदेखि ५ सय जनासम्मलाई भोजन गराउने लक्ष्य राखिएको छ । स्थानीय रमिला सापकोटाले सडक अवरुद्ध भएकाले त्रिभूवन राजपथ हुँदै काठमाडौं जाने यात्रुलाई बाटोमा खाना नपाइनसक्ने भएकाले हेटौँडामा खान खुवाएर पठाउने काम शुरु गरिएको बताउनु भयो । पैसा हुँदा पनि खान नपाउने परिस्थिति रहेकाले सहजताका लागि कदम चालिएको बताउनु भयो ।
लामो दूरीका बसका यात्रु, एम्बुलेन्स तथा ढुवानीका सवारीसाधनका चालक र बाढी प्रभावित क्षेत्रबाट आएका विपन्न यात्रुलाई प्राथमिकतामा राखिएको नागरिक समाजकी रमिला सापकोटाले बताउनु भयो । अभियानलाई आगामी दिनमा हेटौँडाका विभिन्न सामाजिक संघसंस्था तथा सहयोगी समूहको सहभागितामा निरन्तरता दिने तयारी छ । विभिन्न संस्थाले आलोपालो गरी खाना पकाउने र वितरण गर्ने जिम्मेवारी लिने व्यवस्था गरिएको छ । निःशुल्क भोजन पाएपछि यात्रु तथा चालकहरूले अभियानलाई समयसापेक्ष र मानवीय पहलका रूपमा लिएका छन् ।
लामो समयसम्म सडकमा रोकिँदा खानाको समस्या झेलिरहेका यात्रुहरूका लागि यसबाट तत्काल राहत मिलेको उनीहरूको भनाइ छ । पृथ्वी राजमार्ग बन्द भएपछि पूर्व-पश्चिम राजमार्ग हुँदै त्रिभुवन राजपथ र कान्ति लोकपथबाट काठमाडौं जाने सवारीसाधनको चाप हेटौँडामा उल्लेख्य रूपमा बढेको छ ।
दैनिक उपभोग्य सामग्री, इन्धन तथा अन्य सामान बोकेका ढुवानीका सवारीसाधनसँगै यात्रुवाहक बससमेत यही मार्गबाट सञ्चालन भइरहेकाले हेटौँडाबाट काठमाडौं जोड्ने वैकल्पिक सडकहरूमा यातायातको चाप बढेको हो ।
यो खबर पढेर तपाईलाई कस्तो महसुस भयो ?
0
Like
Like
1
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बाजुराका आमाको व्यथा : बाटामै
चिनाकोटमा पर्यटकीय पूर्वाधार निर्माण
देशभर मनसुनी वायुको प्रभाव, अधिकांश
भोटेकोशी बाढी : ‘डिएनए’ परीक्षण
अपर म्याग्दी–१ को सुरुङ ‘ब्रेक
नेपाल नेत्रज्योति सङ्घद्वारा प्रधानमन्त्री दैवी