काठमाडौं । नेपाली मूलकी उद्यमी अरुणा अधिकारीद्वारा क्लिनिकल ट्रायल इन्टेलिजेन्समा रूपान्तरणका लागि काइरोसहेलिक्स स्थापना गर्नुभएको छ । अमेरिकामा आधारित क्लिनिकल प्रविधि कम्पनीद्वारा आर्टिफिसियल इन्टेलिजेन्स, गणित तथा प्रमाणमा आधारित प्रणालीको संयोजनमार्फत् जीवन विज्ञान क्षेत्रमा क्लिनिकल ट्रायलबाट प्राप्त ज्ञानलाई संकलन, एकीकृत र पुनः प्रयोग गर्न सहयोग गर्ने प्रविधि विकास गरिएको हो ।
कम्पनीले जीवन विज्ञान क्षेत्रमा क्लिनिकल ट्रायलबाट सिर्जना हुने ज्ञानलाई कसरी संकलन, एकीकृत र प्रयोग गर्ने भन्ने प्रक्रिया रूपान्तरण गर्ने उद्देश्य राखेको छ । क्लिनिक ट्रायलका क्रममा ठूलोमात्रामा प्रोटोकल, प्रतिवेदन, सञ्चालनसम्बन्धी तथ्यांक तथा विशेषज्ञका निर्णय सिर्जना हुन्छन् तर, महत्त्वपूर्ण ज्ञान प्रायः विभिन्न प्रणालीमा विभाजित भएर रहने भएकाले अनुसन्धानकर्ता तथा संस्थाहरूले विगतका ट्रायलबाट प्रभावकारी रूपमा सिक्ने र त्यसबाट प्राप्त ज्ञान भविष्यको अध्ययनमा प्रयोग गर्ने क्षमतामा सीमितता देखिने गरेको छ ।
उक्त चुनौती सम्बोधन गर्न उक्त कम्पनीले अर्टिफिसियल इन्टेलिजेन्स, तथ्यांक शास्त्र तथा प्रमाणमा आधारित प्रणाली संयोजनमार्फत् सञ्चित क्लिनिकल ट्रायलसम्बन्धी ज्ञान प्रयोगयोग्य बौद्धिक सूचनामा रूपान्तरण गर्ने प्रविधि विकास गरिरहेको छ ।
कम्पनीको प्रविधिगत दृष्टिकोणले मूल प्रमाण संरक्षण तथा मानव निगरानीलाई विशेष प्राथमिकता दिन्छ । विशेषगरी नियमन दायरामा रहेका तथा उच्च जोखिमयुक्त क्लिनिकल अनुसन्धानसँग सम्बन्धित निर्णयमा कम्पनीले हालसम्म २५ सदस्यीय टोली गठन गरिसकेको छ भने क्लिनिकल ट्रायल इन्टेलिजेन्ससम्बन्धी कार्यशील प्लेटफर्म विकास गरिसकेको जनाएको छ ।
१६ वर्षको उमेरमा नेपालबाट अमेरिका पुग्नुभएकी अधिकारीले गणित र प्रविधिप्रतिको आफ्नो रुचिलाई निरन्तर अगाडि बढाउँदै विभिन्न क्षेत्रमा काम गर्नुभयो, जसले उहाँलाई क्रमशः क्लिनिकल अनुसन्धानका जटिलतासँग नजिकबाट परिचित गरायो । सन् २०२४ मा प्रविधि तथा आर्टिफिसियल इन्टेलिजेन्स क्षेत्रमा गरेको कामका लागि अधिकारीलाई फर्मा भ्वाइस १०० मा समेत सम्मानित गरिएको थियो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
आज ऋषिपञ्चमी : ऋषेश्वर मन्दिरमा
बाढीले क्षति पुर्याएका झोलुङ्गे पुल
प्रधानमन्त्री राहत कोषमा मौज्दात रु
कन्काइ पुल १४ वर्ष अलपत्र
घरपझोङ जलवायु परिवर्तन सम्मेलन सुरु
खर्क व्यवस्थापनमा नेपालले भुटानबाट सिक्नुपर्छ