काठमाडौं । साइक म्याक्सस चाइनाको सहयोग तथा हिमालय अर्गनाइजेसनको समन्वयमा म्याक्सस नेपालले नेपालमा हालैको विपद्बाट प्रभावित समुदायको सहयोगका लागि करिब ८० लाख बराबरको सहयोग प्रदान गरेको छ । जसमा प्रत्यक्ष आर्थिक सहयोगसँगै दिगो स्वच्छ खानेपानी व्यवस्था तथा आवश्यक राहत सामग्रीसमेत रहेका कम्पनीले जनाएको छ ।
जसअन्तर्गत म्याक्सस नेपालले प्रधानमन्त्री दैवी प्रकोप उद्धार कोषमा ५० लाखको चेक केही दिनअघि नै अर्थमन्त्री हस्तान्तरण गरेको थियो भने त्रिशूली नदीपारिपट्टिका विपद् प्रभावित समुदायका लागि प्रत्यक्ष रूपमा लाभ पुग्ने गरी करिब ३० लाख बराबरका दुर्ईवटा होल्डिङ सेन्टरमा स्वच्छ खानेपानीका लागि ‘अल्ट्राफिल्टर वाटर ट्रिटमेन्ट प्लान्ट’ जडानका साथै झण्डै चारजनालाई पुग्ने अत्यावश्यक राहत सामग्री वितरण गरिएको कम्पनीले जनाएको छ ।
उक्त राहत वितरण तथा स्वच्छ खानेपानी ट्रिटमेन्ट प्लान्ट जडान कार्यमा हिमालय अर्गनाइजेसनका अध्यक्ष ध्रुव थापा, प्रबन्ध निर्देशक मिलन थापालगायत कर्मचारी तथा लायन्स अन्तर्राष्ट्रिय डिस्ट्रिक्ट ३२५ जे नेपालका चिफ गभर्नर रामराजा थापालगायतको सहभागिता थियो ।
कम्पनीका अनुसार वितरण गरिएका राहत सामग्रीमा सुत्न आवश्यक पर्ने डसना, सिरानी, तन्नालगायतका आवश्यक सामग्री, औषधि तथा आधारभूत स्वास्थ्य सामग्री, अत्यावश्यक खाद्यान्न सामग्री तथा तरकारी, खाना पकाउने सामग्री तथा भाँडाकुँडा, पुरुष महिला तथा बालबालिकाका लागि कपडा तथा अन्य आधारभूत आवश्यकताका सामग्री रहेका छन् ।
सौर्य ऊर्जामा आधारित पानी शुद्धीकरण प्रणाली नुवाकोटको त्रिशूलीस्थित भैरव माध्यमिक विद्यालयमा जडान गरिएको छ, जहाँ हाल करिब तीन सय परिवारले अस्थायी रूपमा आश्रय लिइरहेका छन् भने अर्को प्रणाली नुवाकोटकै विदुर नगरपालिकाको त्रिशूली प्राथमिक विद्यालयमा जडान गरिएको छ, जहाँ करिब दुई सय परिवारले अस्थायी रूपमा आश्रय लिइरहेका छन् । प्रत्येक पानी शुद्धीकरण प्रणालीले प्रतिघण्टा एक हजार लिटर पानी शुद्धीकरण गर्न सक्ने बताइएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
कृष्णभीरमा खोलिएको ‘ट्रयाक’ लाई फराकिलो
खेतमा पानी तान्ने क्रममा करेन्ट
वर्षासँगै काठमाडौं उपत्यकामा पहिरोको जोखिम
भोटेकोशी बाढी : शिक्षण अस्पतालमा
पाल्पाको लोपउन्मुख लाखे संस्कृति जोगाउँदै
कृष्णभीरमा खोलिएको ट्र्याक फराकिलो बनाइँदै,