रौतहट । रौतहटको कटहरिया बजारमा चोरीको खसी खरिद–बिक्रीमा संलग्न रहेको आरोपमा प्रहरीले चार जनालाई पक्राउ गरेको छ ।
पक्राउ पर्नेमा कटहरिया नगरपालिका–५ का २० वर्षीय मुकेश कुमार राम, १७ वर्षीय रुपेश राम, चोरीको खसी खरिद गरेको आरोप लागेका १८ वर्षीय समीर मन्सुरी र उनका साझेदार ४७ वर्षीय दिनेश दास बानियाँ रहेका छन् ।
प्रहरीका अनुसार मुकेश र रुपेशले स्थानीय सफ्रुला भनिने सफरुदिन मियाँ मन्सुरीको करिब १५ देखि २० किलो तौलको एउटा खसी बुधबार राति चोरी गरेका थिए। चोरी गरिएको उक्त खसी उनीहरूले समीर र दिनेशलाई १३ हजार रुपैयाँमा बिक्री गरेको प्रारम्भिक अनुसन्धानबाट खुलेको प्रहरीले जनाएको छ ।
खसी चोरी भएको थाहा पाएपछि पीडित सफ्रुदिनले खोजी गर्ने क्रममा मुकेश र रुपेशलाई नियन्त्रणमा लिएर इलाका प्रहरी कार्यालय कटहरियामा बुझाएका थिए ।
त्यसपछि इलाका प्रहरी कार्यालय कटहरियाका प्रमुख वरिष्ठ प्रहरी नायब निरीक्षक जयप्रकाश साहको टोलीले उनीहरूसँग सोधपुछ गर्दा चोरीको खसी खरिदमा समीर र दिनेशको समेत संलग्नता खुलेको भन्दै दुवैलाई पक्राउ गरेको हो ।
चारै जनालाई नियन्त्रणमा लिएर अनुसन्धान अघि बढाउने क्रममा केही बिचौलियाले घटनालाई गाउँमै मिलापत्रमार्फत टुंग्याउने प्रयास गरेको प्रहरी स्रोतले जनाएको छ ।
बिचौलियाले चारै जनालाई एकमुष्ट १ लाख २० हजार रुपैयाँ जरिवाना तिराएर मिलापत्र गराउने प्रयास गरे पनि वरिष्ठ सई साहले त्यसलाई अस्वीकार गरेको बताइएको छ ।
‘चोरीको घटना मिलापत्र गरेर आरोपीलाई छाड्दा गलत सन्देश जान्छ। दोषीमाथि कानुनी कारबाही हुनुपर्छ’ भन्दै साहले थप अनुसन्धान तथा कानुनी कारबाहीका लागि चारै जनालाई शनिबार इलाका प्रहरी कार्यालय गरुडा पठाएको जनाइएको छ ।
इलाका प्रहरी कार्यालय गरुडाका प्रमुख प्रहरी नायब उपरीक्षक शंकरप्रसाद आचार्यले चोरीको खसी खरिद–बिक्रीमा संलग्न रहेको आरोपमा चार जना नियन्त्रणमा रहेको पुष्टि गर्नुभएकाे छ ।
उनका अनुसार शनिबार साँझसम्म पीडित पक्षबाट औपचारिक जाहेरी प्राप्त भएको थिएन। घटनाबारे थप अनुसन्धान भइरहेको प्रहरीले जनाएको छ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
विपद् व्यवस्थापनमा संसदीय उच्चस्तरीय समिति
विपद् उद्धारका लागि भक्तपुर प्रशासनले
न्याय परिषद्को निर्णय : तीन
आईसीयूभित्रै अन्तर्वार्ता प्रकरण संसदमा प्रवेशः
पुर्चौडीमा पहिरोले एक घर पूर्ण
पहिचान भइसकेका शव तत्काल परिवारलाई