काठमाडौं । नेपाल ‘ए’ले अस्ट्रेलियामा भएको एकदिवसीय अभ्यास शृंखला जितविहीन हुँदै टुंग्याएको छ । आइतबार सम्पन्न तेस्रो तथा अन्तिम खेलमा नेपाल ‘ए’ न्युजिल्याण्ड ‘ए’सँग दुई विकेटले पराजित भयो । नेपालले दिएको २१२ रनको लक्ष्य न्युजिल्याण्ड ‘ए’ले खेल सकिन एक बल बाँकी छँदा आठ विकेट गुमाएर पूरा गर्यो ।
न्युजिल्याण्डको जितमा रिस मरियुले उत्कृष्ट ब्याटिङ गर्दै १३७ रन बनाउनुभयो । उहाँले १३४ बलमा १६ चौका र तीन छक्का प्रहार गर्नुभयो । मरियुलाई अन्य ब्याटरले पनि साथ दिए । म्याट फिशरले अविजित २३, मोहम्मद अब्बासले २१ तथा म्याथ्यु बोयलले ११ रनको योगदान गर्नुभयो ।
नेपालका बलरमध्ये युवराज खत्री, रिजन ढकाल र साहब आलमले दुई–दुई विकेट लिनुभयो । विपिन खत्री र पवन सर्राफले एक-एक विकेट हात पार्नुभयो । यसअघि टस जितेर पहिले ब्याटिङ गरेको नेपाल ‘ए’ले निर्धारित ५० ओभरमा सबै विकेट गुमाउँदै २११ रन बनाएको थियो ।
नेपालका लागि पवन सर्राफले सर्वाधिक ६१ रन बनाउनुभएको थियो । उहाँले ९२ बलको सामना गर्दै ६ चौका प्रहार गर्नुभएको थियो । त्यस्तै, लोकेश बमले ४७, कप्तान अनिलकुमार साहले २४, मयन यादवले २० तथा विपिन खत्रीले १२ रन जोड्नुभयो ।
नेपालको इनिङ ध्वस्त पार्ने क्रममा न्युजिल्याण्डका म्याट फिशरले चार विकेट लिनुभयो । क्रिस्टियन क्लार्क र आदित्य अशोकले दुई-दुई तथा जेक गिब्सन र मोहम्मद अब्बासले एक-एक विकेट लिनुभयो ।
यसअघि नेपाल ‘ए’ तास्मानिया र साउथ अस्ट्रेलियासँगको खेलमा पनि पराजित भएको थियो । न्युजिल्याण्ड ‘ए’सँगको हारसँगै नेपालले अस्ट्रेलियामा खेलेका तीन खेलको एकदिवसीय अभ्यास शृंखला कुनै जित हासिल नगरी समाप्त गरेको हो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
अमेरिकी सेनाद्वारा थप पाँच इरानी
हिंसात्मक घटनाका दोषीलाई कारबाही गर्न
नेपालले अन्तर्राष्ट्रिय मञ्चमा सशक्त आवाज
रसुवा बाढीमा मृत्यु हुनेकाे संख्या
जेनजी आन्दोलनका सहिदको अनुहारसँग सालिक
सरकारी प्रक्रियामै अल्झियो काभ्रेका बाढीपीडितको