काठमाडौं । भोटेकोशी बाढीले रसुवा, नुवाकोट, धादिङ र गोरखाका ५५ वटा खानेपानी आयोजनामा ठूलो क्षति पुगेको छ । खानेपानी तथा ढल व्यवस्थापन विभागका अनुसार बाढीका कारण हालसम्म छ करोड ४० लाख रुपैयाँ बराबरको क्षति भएको प्रारम्भिक अनुमान छ । विभागले सार्वजनिक गरेको तथ्यांकअनुसार नुवाकोटमा सबैभन्दा बढी २२ आयोजनामा चार करोड ११ लाख ५० हजार रुपैयाँ बराबरको क्षति भएको छ भने धादिङका २० आयोजनामा एक करोड ४७ लाख, गोरखाका पाँच आयोजनामा ५० लाख र रसुवाका आठ आयोजनामा तीन लाख १५ हजार रुपैयाँ बराबरको क्षति भएको छ ।
बाढीका कारण अवरुद्ध भएका क्षेत्रमा खानेपानी सेवा पुनः सञ्चालन गर्न विभागले विभिन्न अल्पकालीन र दीर्घकालीन कार्यहरू अघि बढाइएको जनाएको छ । विभागका अनुसार विदुर खानेपानी आयोजना प्रभावित क्षेत्रका नागरिकहरूलाई खानेपानी सहज उपलब्ध गराउन सय केभिएको डिजेल जेनेरेटर सञ्चालन गरी दैनिक करिब पाँच लाख लिटर खानेपानी वितरणको व्यवस्था मिलाइएको छ भने एक एचपीका सातवटा पम्प सञ्चालनमा ल्याएर बट्टार क्षेत्रका करिब पाँच सय घरधुरीमा खानेपानी सेवा सुचारु गरिएको छ ।
काठमाडौं उपत्यका खानेपानी लिमिटेड(केयुकेएल)सँगको समन्वयमा भदौ १२ गतेदेखि चारवटा ट्यांकरमार्फत् विदुर र बट्टारका विभिन्न बस्तीमा पानी वितरण भइरहेको र त्रिशूली बजार, बेलकोटगढी, कोल्पुटार, गल्छी, गजुरी र विदुरका बाँकी क्षेत्रमा सेवा विस्तार गर्न ठूलो परिमाणमा सामग्रीहरू व्यवस्थापन गरिएको विभागले जनाएको छ । जसमा दुर्ई एचपी र एक एचपीका गरी कुल १४ पम्प, एक हजार लिटरको हिलटेक ट्यांकी र करिब ४१.१ किलोमिटर लामो एचडिपिई पाइप रहेका छन् । उल्लेखित सामग्रीहरू जडान र ढुवानीका लागि तयारी अवस्थामा राखिएका विभागले उल्लेख गरेको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
अमेरिकी सेनाद्वारा थप पाँच इरानी
हिंसात्मक घटनाका दोषीलाई कारबाही गर्न
नेपालले अन्तर्राष्ट्रिय मञ्चमा सशक्त आवाज
रसुवा बाढीमा मृत्यु हुनेकाे संख्या
जेनजी आन्दोलनका सहिदको अनुहारसँग सालिक
सरकारी प्रक्रियामै अल्झियो काभ्रेका बाढीपीडितको