काठमाडौं । इटालियन सिरी ‘ए’ मा युभेन्टसले एसी मिलानसँग १–१ गोलको बराबरी खेल्दै रुबेन आमोरिमको उत्कृष्ट सुरुवातमा पूर्णविराम लगाएको छ ।
आइतबार राति टुरिनस्थित एलियान्ज स्टेडियममा भएको खेलमा मिलानले ६८औँ मिनेटमा अग्रता लिएको थियो । सामुएल चुक्वेजेको पासमा १९ वर्षीय अल्फाद्जो सिसेले उत्कृष्ट फिनिसिङ गर्दै मिलानलाई १–० को अग्रता दिलाउनुभयाे ।
तर मिलानको जित निश्चितजस्तै देखिएको अवस्थामा युभेन्टसले इन्ज्युरी समयमा खेल बराबरी गर्यो । ९२औँ मिनेटमा ट्युन कोपमाइनर्सको क्रसमा डिफेन्डर फेडेरिको गाट्टीले शक्तिशाली हेडरमार्फत गोल गर्दै युभेन्टसलाई १–१ को बराबरीमा ल्याउनुभयाे ।
खेलमा युभेन्टसले मिलानभन्दा बढी आक्रमण गरेको थियो। फ्रान्सिस्को कोन्सेइसाओले दोस्रो हाफमा गरेको प्रहार पोस्टमा लागेर फर्किएको थियो भने मिलानका गोलरक्षक माइक माइनानले युभेन्टसका केही महत्वपूर्ण प्रहार राेक्नुभएकाे थियाे ।
यो बराबरीसँगै दुवै टोलीले सिजनका सुरुआती तीन खेलबाट ७–७ अंक जोडेका छन् । गोल अन्तरका आधारमा मिलान युभेन्टसभन्दा अगाडि रहेको छ ।
यसअघि आमोरिमको नेतृत्वमा मिलानले टोरिनो र भेनेजियामाथि लगातार जित निकाल्दै सिजनको उत्कृष्ट सुरुवात गरेको थियो । युभेन्टससँगको बराबरीले भने उहाँको टोलीलाई लगातार तेस्रो जितबाट रोकेको हो।
युभेन्टसका प्रशिक्षक लुसियानो स्पालेट्टीका लागि भने गाट्टीको अन्तिम क्षणको गोलले महत्वपूर्ण एक अंक जोगाइदिएको छ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
रसुवा बाढीमा ज्यान गुमाएकाहरूको सुगतिका
परराष्ट्रमन्त्री खनाल र कोरियाली विदेशमन्त्री
न्यायाधीश नियुक्तिको अधिकार प्रधानन्यायाधीशलाई दिनुपर्छः
जलवायु अनुसन्धानमा नीतिगत झमेला र
मदन पुरस्कार वीणा राजभण्डारी र
संविधान कार्यान्वयन नै नगरी संशोधनको