काठमाडौं । आगामी जनवरीमा नेपाल र बंगलादेशमा आयोजना हुने आइसिसी यू-१९ महिला विश्वकप क्रिकेटका लागि नाइजेरिया छनोट भएको छ । तान्जानियामा आइतबार सम्पन्न अफ्रिकी क्षेत्रको छनोट प्रतियोगिताको फाइनलमा जिम्बावेलाई चार रनले पराजित गर्दै नाइजेरियाले विश्वकपमा स्थान पक्का गरेको हो ।
टस जितेर पहिले ब्याटिङ गरेको नाइजेरियाले निर्धारित २० ओभरमा ६ विकेट गुमाउँदै ९८ रन बनाएको थियो । जवाफी ब्याटिङमा उत्रिएको जिम्बावे १९.५ ओभरमा ९४ रनमै अलआउट भएपछि नाइजेरियाले रोमाञ्चक जित हात पार्यो । अफ्रिकी क्षेत्रबाट विश्वकपका लागि एक टोलीमात्र छनोट हुने प्रावधानअनुसार नाइजेरियाले स्थान सुरक्षित गरेको हो ।
१६ राष्ट्र सहभागी हुने यू-१९ महिला विश्वकपमा आयोजकका रूपमा नेपाल र बंगलादेश यसअघि नै सोझै छनोट भइसकेका छन् । त्यस्तै, अघिल्लो संस्करणमा गरेको प्रदर्शनका आधारमा अस्ट्रेलिया, इंग्ल्याण्ड, भारत, आयरल्याण्ड, न्युजिल्याण्ड, पाकिस्तान, दक्षिण अफ्रिका, श्रीलंका र वेस्ट इण्डिजले पनि विश्वकपमा स्थान बनाइसकेका छन् ।
क्षेत्रीय छनोटअन्तर्गत युएईले एसिया, सामोआले एसिया-प्यासिफिक तथा अमेरिकाले अमेरिकी क्षेत्रको विजेता बन्दै विश्वकपमा स्थान बनाएका थिए । अफ्रिकी क्षेत्रबाट नाइजेरिया छनोट भएसँगै अब युरोप क्षेत्रको छनोट प्रतियोगितामात्र हुन बाँकी छ । नेपाल र बंगलादेशमा हुने प्रतियोगिताले महिला क्रिकेटको उमेर समूहमा विश्वका उत्कृष्ट टोलीलाई एउटै मञ्चमा ल्याउनेछ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
जलवायु अनुसन्धानमा नीतिगत झमेला र
मदन पुरस्कार वीणा राजभण्डारी र
संविधान कार्यान्वयन नै नगरी संशोधनको
भूकम्पले रोकिएको हनुमानढोकाको नित्य प्रवचन
गृहमन्त्री गुरुङद्वारा जेन–जी शहीद स्मारक
दिक्तेल बजारको बेसक्याम्पमा द्वन्द्वकालीन विस्फोटक