काठमाडौं । जापानमा आयोजना हुने एसियन गेम्स २०२६ अन्तर्गत क्रिकेटतर्फ नेपालले समूह चरणमा अफगानिस्तान र आयोजक जापानसँग प्रतिस्पर्धा गर्ने भएको छ । प्रतियोगिताको समूह ‘ए’ मा रहेको नेपालले समूह चरणमा अफगानिस्तान र जापानसँग खेल्नेछ । समूह चरणमा शीर्ष दुई स्थानमा रहन सके नेपाल क्वाटरफाइनलमा प्रवेश गर्नेछ ।
नेपाल समूह विजेता बने क्वाटरफाइनलमा समूह ‘बी’ को उपविजेता श्रीलंकासँग प्रतिस्पर्धा गर्नेछ । समूह ‘ए’ को उपविजेता बन्यो भने नेपालको भेट समूह ‘बी’ को विजेता भारतसँग हुनेछ ।
नेपालले यसअघि सन् २०२३ मा चीनमा भएको एसियन गेम्समा पनि भारतसँग क्वाटरफाइनल खेलेको थियो । उक्त खेलमा नेपाल भारतसँग पराजित भएको थियो । समूह ‘बी’ मा हङकङ, मलेसिया र ओमान रहेका छन् । भारत, बंगलादेश, श्रीलंका र पाकिस्तान भने वरीयताका आधारमा सोझै क्वाटरफाइनलमा प्रवेश गर्नेछन् । प्रतियोगितामा प्रत्येक समूहबाट शीर्ष दुई टोली क्वाटरफाइनलमा पुग्ने प्रावधान छ ।
नेपालले यसपटक सिंगापुरमा भएको एसियन गेम्स छनोट प्रतियोगितामा अपराजित रहँदै एसियन गेम्समा स्थान बनाएको हो । छनोटमा उत्कृष्ट प्रदर्शन गरेको नेपालले एसियन गेम्समा पनि बलियो प्रदर्शन गर्ने लक्ष्य राखेको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
देशभर मनसुनी वायुको प्रभाव, चट्याङसहित
सङ्घीय संसद्का दुवै सदनको बैठक
किम्रुङ खोलाको बहाव रोकिएपछि कास्की
कति आज विदेशी मुद्राको विनिमय
हतुवागढीले जुटायो २४ लाख ५३
जापानिज इन्सेफ्लाइटिसविरुद्ध खोप अभियान सञ्चालन