काठमाडौं । एभरेष्ट इङ्लिस स्कुलले बाढीपीडितको सहयोगार्थ स्वेच्छिक राहत संकलन अभियान सञ्चालन गरेको अभियानमा विद्यार्थी, अभिभावक, शिक्षक तथा कर्मचारीबाट चार लाख ५२ हजार छ सय ५२ रुपैयाँ संकलन गरेको छ । विद्यालयले पनि सोही बराबरको चार लाख ५२ हजार छ सय ५२ सहयोग थप गरी नौ लाख पाँच हजार तीन सय चार रुपैयाँ राहत कोषमा जम्मा गरिएको जनाएको छ ।
संकलित उक्त रकम जिल्ला प्याब्सन, भक्तपुरमार्फत् केन्द्रीय प्याब्सन हुँदै प्रधानमन्त्री राहत कोषमा जम्मा गरिएको विद्यालयले जनाएको छ । आर्थिक सहयोगको उक्त रकम विपत्तिले पुर्याएको सम्पूर्ण क्षतिपूर्ति गर्न पर्याप्त नहुन सक्ने भए पनि पीडाको घडीमा कसैले दिएको सानो साथले पनि पीडित मनमा ठूलो भरोसा जगाउन सक्छ । सहयोगले ‘तपाईंहरू एक्लै हुनुहुन्न, दुःखमा हामी पनि तपाईंहरूसँगै छौँ’ भन्ने मानवीय सन्देश दिएको पनि विद्यालयले जनाएको छ । विद्यालय शिक्षाको थलोमात्र होइन, संवेदना, सहकार्य र सामाजिक उत्तरदायित्व सिकाउने ठाउँ पनि हो । कक्षाकोठामा सिकाइने पाठभन्दा बाहिर वास्तविक जीवनमा दुःखमा परेकालाई सहयोग गर्ने संस्कारले विद्यार्थीको चरित्र निर्माणमा अझ गहिरो प्रभाव पार्छ ।
एभरेष्टको उक्त पहलले विद्यार्थी, अभिभावक, शिक्षक र विद्यालयबीचको सहकार्यलाई सामाजिक उत्तरदायित्वसँग जोड्दै मानवीय एकताको उदाहरण प्रस्तुत गरेको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
नयाँ कोष थप्ने होइन, एकीकृत
बाढीपीडितलाई सहयोग गर्ने सन्देशसहित सांस्कृतिक
मकवानपुरमा ट्राफिक कारबाही बढ्दा पनि
संक्रामक पशु रोगबाट प्रभावित किसानलाई
त्रिभुवन विमानस्थलमा दुर्गा प्रसाईँ समर्थक
त्रिभुवन राजपथको सडक भासियो, एकतर्फी