काठमाडौं । एक वर्षअघि जेन-जी आन्दोलनका क्रममा आगजनीबाट गत वर्ष भदौ २४ गते पूर्णरूपमा क्षतिग्रस्त महाराजगञ्जस्थित ‘लक्ष्मी हेयर एन्ड ब्युटी स्टुडियो’ पुनर्निर्माणपछि बुधबारदेखि पुनः सञ्चालनमा आएको छ । आगजनी भएकै दिन बुधबार पुनर्निर्मित स्टुडियोको अभिनेता तथा हास्यव्यंग्य कलाकार जितु नेपाल र अभिनेत्री प्रियना आचार्यले रिबन काटेर संयुक्त उद्घाटन गर्नुभएको हो ।
उद्घाटन कार्यक्रममा अभिनेता नेपालले लामो समयदेखि लक्ष्मी हेयर एन्ड ब्युटी स्टुडियोबाट सेवा लिँदै आएको उल्लेख गर्दै आगजनीपछि पुनर्निर्माण गरी पुनः सञ्चालनमा ल्याउनु प्रेरणादायी भएको बताउनुभयो । अभिनेत्री आचार्यले १७ वर्ष पुरानो स्टुडियो खरानीबाट नयाँ संरचनासहित पुनः स्थापित भएकोमा खुसी व्यक्त गर्दै आगामी पाँच वर्षभित्र देशभर ५१ शाखा विस्तार गर्ने योजनाको सफलताको शुभकामना दिनुभयो ।
स्टुडियोका अध्यक्ष लक्ष्मी ठाकुरका अनुसार उहाँले २७ वर्षअघि मुम्बईबाट नेपाल फर्किएर ठमेलमा ‘लक्ष्मी हेयर एन्ड ब्युटी स्टुडियो’ सुरु गर्नुभएको थियो । १७ वर्षअघि महाराजगञ्जको भाटभटेनीमा पहिलो फ्रेन्चाइज स्थापना गरिएको थियो । गत वर्षको आगजनीमा महाराजगञ्ज र अन्य स्थानका दुई स्टुडियो पूर्णरूपमा क्षतिग्रस्त भए पनि एक वर्षमै पुनर्निर्माण गरी सेवा पुनः सुरु गरिएको ठाकुरले बताउनुभयो ।
हाल काठमाडौं उपत्यकामा महाराजगञ्ज, कोटेश्वर, पुलचोक, कलंकी, स्काईवाक कमलादी र भैंसेपाटीमा स्टुडियोका शाखा सञ्चालनमा छन् । ठाकुरका अनुसार स्टुडियोले पछिल्लो २७ वर्षदेखि गुणस्तरीय तथा सुलभ सौन्दर्य सेवा प्रदान गर्दै आएको छ भने दर्जनौं नेपाली चलचित्रमा हेयर स्टाइलिस्ट, कन्सल्टेन्ट तथा डिजाइनरका रूपमा समेत योगदान गरेको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
अमेरिकी सेनाद्वारा थप पाँच इरानी
हिंसात्मक घटनाका दोषीलाई कारबाही गर्न
नेपालले अन्तर्राष्ट्रिय मञ्चमा सशक्त आवाज
रसुवा बाढीमा मृत्यु हुनेकाे संख्या
जेनजी आन्दोलनका सहिदको अनुहारसँग सालिक
सरकारी प्रक्रियामै अल्झियो काभ्रेका बाढीपीडितको