काठमाडौँ । नेपाली कांग्रेसका नेता डा. सुनिलकुमार शर्माले आर्थिक अभावका कारण उपचार गर्न नसक्ने एक हजार बिरामीको निःशुल्क शल्यक्रिया गर्ने घोषणा गर्नुभएको छ ।
शुक्रबार काठमाडौँमा आयोजित कार्यक्रममा बोल्दै उहाँले काठमाडौँ मेडिकल कलेज (केएमसी)अन्तर्गत दुवाकोट र विराटनगरस्थित नोबेल मेडिकल कलेजमार्फत आर्थिक रूपमा विपन्न बिरामीको गम्भीर रोगको शल्यक्रिया निःशुल्क गर्ने घोषणा गर्नुभएको हो ।
“यो मुलुकभित्र आर्थिक अभावका कारण उपचार गर्न नसक्ने बिरामीका एक हजार वटा मेजर अप्रेसन काठमाडौँ मेडिकल कलेजको दुवाकोट र विराटनगरको नोबेल मेडिकल कलेजमा निःशुल्क गर्ने घोषणा गर्न चाहन्छौँ,” डा. शर्माले भन्नुभयो ।
उहाँले मेडिकल कलेजमा अध्ययन गर्न आउने आर्थिक रूपमा विपन्न विद्यार्थीका लागि छात्रवृत्तिको प्याकेज ल्याउने तयारीसमेत भइरहेको जानकारी दिनुभयो । छात्रवृत्तिका विषयमा फाउण्डेशनसँग समेत छलफल गरी आवश्यक निर्णय गरिने उहाँले बताउनुभयो ।
डा. शर्माले स्वर्गीय नेता गिरिजाप्रसाद कोइरालाको नाममा रहेको गिरिजाप्रसाद कोइराला फाउण्डेशनका गतिविधिलाई देशका ७७ वटै जिल्लामा विस्तार गर्नुपर्नेमा जोड दिनुभयो ।
उहाँले नेपाली कांग्रेस र मुलुकको आर्थिक समृद्धिको आधार तयार गर्न गिरिजाप्रसाद कोइरालाले खेल्नुभएको भूमिकालाई नयाँ पुस्तासम्म पुर्याउन आवश्यक रहेको बताउनुभयो ।
गिरिजाप्रसाद कोइरालासँग आफ्नो राजनीतिक सम्बन्धको स्मरण गर्दै उहाँले फाउण्डेशनलाई देशव्यापी रूपमा विस्तार गरी नेपाली कांग्रेस र आम नागरिकको हितमा काम गर्ने प्रतिबद्धता व्यक्त गर्नुभयो ।
“यो फाउण्डेशनलाई अगाडि लैजाने र देशका ७७ वटै जिल्लामा पुर्याउने हाम्रो योजना छ । सभापतिज्यूसँग समन्वय गरेर कांग्रेसको पक्षमा, नेपाली जनताको पक्षमा र गिरिजाबाबुको योगदानलाई सम्झने गरी काम गर्ने प्रतिबद्धता व्यक्त गर्दछौँ,” उहाँले भन्नुभयो ।
डा. शर्माले नेपाली कांग्रेसभित्र देखिएका विवाद समाधान गरी पार्टीलाई नागरिकका मुद्दामा केन्द्रित गर्नुपर्नेमा समेत जोड दिनुभयो । पार्टीलाई एकताबद्ध बनाउँदै जनताका समस्या समाधानमा केन्द्रित हुनुपर्ने उहाँको भनाइ थियो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
सङ्खुवासभाको पाँचखपनमा चट्याङ लागेर एकको
५३ हजार बढी ग्यास सिलिन्डर
तरकारीको विषादी परीक्षण बढाइँदै
जेन्जी आन्दोलनमा मकवानपुरका कारागार र
मधेश प्रदेशमा छ वर्षमा २८
रिपब्लिकनले काङ्ग्रेस नियन्त्रण कायम राखे