काठमाडौं । भोटेकोशी बाढीका कारण पूर्वनिर्धारित मितिमा प्रदर्शन हुन नसकेको चलचित्र ‘बाः एक योद्धा’ले नयाँ प्रदर्शन मिति तय गरेको छ । निर्माण टिमले कुशे औंसी अर्थात् बुबाको मुख हेर्ने दिनको अवसर पारेर चलचित्रलाई आगामी असोज ९ गतेदेखि देशव्यापी प्रदर्शनमा ल्याउने घोषणा गरेको हो ।
यसअघि बाढी प्रभावितका लागि दुई लाख रुपैयाँ सहयोग गर्दै चलचित्रको प्रदर्शन मिति पछि सारिएको थियो । निर्माता वसन्त लम्सालका अनुसार वितरक तथा प्रदर्शकसँगको छलफलपछि असोज ९ गतेलाई नयाँ प्रदर्शन मिति तय गरिएको हो ।
हरि लम्सालको लेखन तथा निर्देशन रहेको यस चलचित्रमा दिव्यदेव, झरना थापा, सुहाना थापा, माओत्से गुरुङ, अनिल बुढाथोकी, सागर खनाल, शिशिर सिवाकोटी, सुप्रज्ञा शर्मा, शवि थापालगायत कलाकारको अभिनय छ । फिचर फिल्मतर्फ लम्सालको यो पहिलो निर्देशन हो ।
आर्टिस्टिक इन्टरटेनमेन्टको ब्यानरमा निर्मित चलचित्रका निर्माता वसन्त लम्साल, कार्यकारी निर्माता अनिल बुढाथोकी र सहनिर्माता कृष्ण काफ्ले हुुनुहुन्छ । शिवराम श्रेष्ठको छायांकन र मित्र डि. गुरुङको सम्पादन रहेको चलचित्रलाई कुवेर सिने डिस्ट्रिब्युसनले वितरण गर्नेछ ।
सन्तानको भविष्यका लागि बुवाले गर्ने त्याग, संघर्ष र जीवनभर भोग्ने चुनौतीलाई कथाको केन्द्रमा राखिएको ‘बाः एक योद्धा’ले असोज ९ गतेदेखि भने अन्य दुई नेपाली चलचित्रसँग प्रतिस्पर्धा गर्नेछ ।
सोही मितिमा ‘आचार्य’ र ‘जदौ’ पनि प्रदर्शनमा आउनेछन् । निखिल उप्रेतीको अभिनय तथा निर्देशन रहेको ‘आचार्य’ एक्सन–ड्रामा चलचित्र हो ।
त्यस्तै, ऋचा शर्मा, मुकुन भुसाल, नीति शाह र प्रभातपाल ठकुरीको मुख्य अभिनय रहेको ‘जदौ’ प्रेम, जातीय भेदभाव र पारिवारिक द्वन्द्वमा आधारित फ्यामिली ड्रामा हो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
देशभर मनसुनी गतिविधि सक्रिय, यी
पहिराले खस्दा रोल्पाको सहिदमार्ग अवरुद्ध
अविरल वर्षासँगै बाजुरामा पहिरो, साँफे–मार्तडी
कोरिडोर केन्द्रित कृषि उत्पादन कार्यक्रम
लेदुवा खोलाको पुल सात वर्षदेखि
चोरीको खसी खरिद–बिक्रीको आरोपमा चार