काठमाडौं । नेपाली गजलको उन्नयनमा दुई दशकदेखि सक्रिय अनाममण्डलीले १६१औं मोतीजयन्तीका अवसरमा शुक्रबार नेपाल प्रज्ञाप्रतिष्ठान परिसरमा रहेको आदिगजलकार मोतीराम भट्टको सालिकमा माल्यार्पण गरी गजलवाचन गरेको छ ।
२०७२ सालमा अनाममण्डलीले स्थापना गरेको सालिकमा प्रतिष्ठानका काव्य, संस्कृति तथा डिजिटलाइजेसन विभाग प्रमुख दीपक सापकोटा, मण्डलीका अध्यक्ष रूपक अलंकार, पूर्वअध्यक्ष घनेन्द्र ओझालगायतले माल्यार्पण गर्नुभएको थियो ।
कार्यक्रममा विश्व कीर्तिमानी गायक-संगीतकार सन्तोष श्रेष्ठले मोतीरामको गजल प्रस्तुत गर्नुभएको थियो भने गजलकार राधा कणेल र केशव भट्टराईले उहाँका गजल तरन्नुममा वाचन गर्नुभएको थियो । कार्यक्रममा सापकोटाले नयाँ प्राज्ञ परिषद्ले कुशे औंसीलाई ‘राष्ट्रिय गजल दिवस’का रूपमा मनाउने निर्णय गरेको जानकारी दिनुभयो । भोटेकोशी बाढीका कारण यस वर्षको कार्यक्रम भने सारिएको उहाँले बताउनुभयो ।
उहाँका अनुसार आगामी असोज १६ गते ‘मोती-लय’ आयोजना गरिनेछ । कार्यक्रममा सातै प्रदेशका २१ नयाँ पुस्ताका र १० अग्रज गजलकारका गजल वाचन गरिनेछ । साथै ११ कलाकारले मोतीरामका चित्र बनाउने तथा उहाँका गजलमा अभिनयसमेत प्रस्तुत गर्नेछन् ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
नयाँ कोष थप्ने होइन, एकीकृत
बाढीपीडितलाई सहयोग गर्ने सन्देशसहित सांस्कृतिक
मकवानपुरमा ट्राफिक कारबाही बढ्दा पनि
संक्रामक पशु रोगबाट प्रभावित किसानलाई
त्रिभुवन विमानस्थलमा दुर्गा प्रसाईँ समर्थक
त्रिभुवन राजपथको सडक भासियो, एकतर्फी