धादिङ । भदौ १० गते भोटेकोशी नदीमा आएको बाढीले धादिङको गजुरी गाउँपालिका-५ गलौदीका बाढीपीडितहरु जंगलमा त्रिपाल टाँगेर बस्न बाध्य छन् । बाढीले घरबारविहीन भएपछी अहिले त्यहाँका बाढीपीडितहरु जंगलमा त्रिपाल टाँगेर बस्न बाध्य भएका हुन् ।
भदौ १० गते आएको बाढीले गलौदीका अधिकांश घर डुबानमा परेपछि गलौदीमाथिको वन सवडिभिजन क्षेत्रको जंगलमा त्रिपाल र टेन्ट टाँगेर अस्थायी होल्डिङ सेन्टर बनाइएको हो । होल्डिङ सेन्टरमा अहिले ४२ परिवारका कम्तीमा २ सय जना बसिरहेका छन् । गलौदीका ७४ घर बस्न नसक्ने अवस्थामा पुगेका छन् ।
होल्डिङ सेन्टरमा ४ जना अपांगता भएका व्यक्ति, कम्तीमा ३० जना बालबालिका र ७० वर्षभन्दा माथिका २ जना ज्येष्ठ नागरिक महिला छन् । जंगलमा बस्नुपर्दा उनीहरूलाई थप कठिनाइ भइरहेको छ । रात परेपछि होल्डिङ सेन्टर अँध्यारो हुन्छ । विजुलीको पर्याप्त व्यवस्था नहुँदा बालबालिका, ज्येष्ठ नागरिक तथा अपांगता भएका व्यक्तिलाई रातको समयमा हिँड्डुल गर्नसमेत समस्या भएको छ ।
बाढीले घरसँगै घरभित्र रहेका अन्न, लत्ताकपडा, भाँडाकुँडा र दैनिक प्रयोगका सामानसमेत बगाएको छ । कतिपय परिवारसँग लगाउने कपडासमेत छैन । अन्न र भाँडाकुँडा नभएपछि प्रभावितहरू सामूहिक रूपमा खाना बनाएर खाने गरेका छन् । गजुरी गाउँपालिकाका अध्यक्ष गणेशलाल श्रेष्ठले होल्डिङ सेन्टरमा रहेका प्रभावितका समस्या समाधानका लागि आवश्यक सामग्रीको व्यवस्था गर्न लागिएको बताउनु भयो ।
बाढीपहिरोका कारण सडक तथा राजमार्गसँगको सम्पर्क टुटेपछि सिद्धलेक गाउँपालिका-७ का बासिन्दाले आफूहरू राज्यका सेवा र सुविधाबाट टाढिएको महसुस गर्न थालेका छन् ।
जिल्ला प्रशासन कार्यालय धादिङको विवरणअनुसार बाढीपहिरोका कारण जिल्लामा ६ वटा पक्की पुल पूर्णरूपमा क्षतिग्रस्त भएका छन् भने एकवटा पक्की पुलमा सामान्य क्षति पुगेको छ । त्यस्तै जिल्लाका १७ वटा झोलुंगे पुलमा पूर्ण क्षति पुगेको छ भने ७ वटा झोलुंगे पुलमा आंशिक क्षति भएको छ । यसरी जिल्लामा कुल २४ वटा झोलुंगे पुल प्रभावित भएका छन् । बाढीका कारण जिल्लाका ५२९ घरपरिवार प्रभावित भएको जिल्ला प्रशासन कार्यालय धादिङले जनाएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
हुप्सेकोटको घाँगी भीरमा निरन्तर धुँवाको
त्रिभुवनराजपथ भासिएपछि एकतर्फी यातायात सञ्चालन
नयाँ कोष थप्ने होइन, एकीकृत
बाढीपीडितलाई सहयोग गर्ने सन्देशसहित सांस्कृतिक
मकवानपुरमा ट्राफिक कारबाही बढ्दा पनि
संक्रामक पशु रोगबाट प्रभावित किसानलाई