काठमाडौं । भोटेकोशीमा आएको विनाशकारी बाढीपछि उद्धार तथा राहतमा सक्रिय वाईसीएल नेपालले बाढीपीडितका लागि अस्थायी आवास निर्माण थालेको छ ।
रसुवा, धादिङ र नुवाकोटका प्रभावित क्षेत्रमा नेपाली कम्युनिस्ट पार्टीको युवा संगठन वाईसीएलका करिब ६ सय स्वयंसेवक परिचालन भएका छन् । उद्धार तथा राहतसँगै अस्थायी आवास निर्माणको काम अघि बढाइएको वाईसीएल बागमती प्रदेश अध्यक्ष नरेश रञ्जितले बताउनुभयो ।
रञ्जितका अनुसार पहिलो चरणमा नुवाकोटको बेलकोटगढी नगरपालिका–७ स्थित ठूलाखोला, लामोस्वती, रातमाटे र महादेवफाँटका प्रभावित परिवारका लागि १ सय ५० वटा अस्थायी आवास निर्माण गरिनेछ ।
बाढीका कारण क्षतिग्रस्त घरहरू अझै सरसफाइ गर्न नसकिएको अवस्थामा प्रभावित परिवारलाई तत्काल बसोबासको अस्थायी व्यवस्था गर्न वाईसीएल निर्माणमा जुटेको उहाँले बताउनुभयो ।
वाईसीएलका केन्द्रीय अध्यक्ष पुष्प ओलीले स्थानीयको इच्छा र आवश्यकताअनुसार अस्थायी आवास निर्माणको काम अघि बढाइएको बताउनुभयो । उहाँका अनुसार पार्टी संयोजक पुष्पकमल दाहाल ‘प्रचण्ड’ले राहतसँगै पुनःस्थापनामा लाग्न निर्देशन दिनुभएको छ ।
“भूकम्पपछि अस्थायी आवास निर्माण गरेको अनुभवले पनि अहिले काम गर्न सहज भएको छ,” अध्यक्ष ओलीले भन्नुभयो । वाईसीएलले बाढी प्रभावित क्षेत्रमा राहत वितरण र सरसफाइको कामलाई समेत निरन्तरता दिएको जनाएको छ । संगठनका अनुसार रसुवाका प्रभावित क्षेत्रमा वैकल्पिक सडक हुँदै खाद्यान्न, औषधि, ग्यास, पेट्रोल, सोलार लाइट, पावर बैंक, मोबाइल सेट, सेनिटरी प्याड, म्याट्रेसलगायत अत्यावश्यक सामग्री वितरण गरिएको छ ।
नुवाकोटतर्फ त्रिशूलीपारि सडक सञ्जाल विच्छेद भएपछि धादिङको कठिन भूगोल हुँदै विदुर नगरपालिका–७, ८ र ९ का प्रभावित क्षेत्रमा समेत राहत सामग्री पुर्याइएको वाईसीएल स्वयंसेवक राजु कुटुले बताउनुभयो । प्रभावित क्षेत्रमा वाईसीएलका स्वयंसेवकले दर्जनौँ घर तथा विद्यालय सरसफाइसमेत गरेको कुटुले जानकारी दिनुभयो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बाढीपीडितलाई सहयोग गर्ने सन्देशसहित सांस्कृतिक
मकवानपुरमा ट्राफिक कारबाही बढ्दा पनि
संक्रामक पशु रोगबाट प्रभावित किसानलाई
त्रिभुवन विमानस्थलमा दुर्गा प्रसाईँ समर्थक
त्रिभुवन राजपथको सडक भासियो, एकतर्फी
ब्रिक्समा नेपाल नबोलाइनुको कारण भारत