काठमाडौँ । काठमाडौँ महानगरपालिकाले न्युरोडस्थित नेपाल वायुसेवा निगम (एनएसी)को भवनलाई बहुमञ्जिला पार्किङका रूपमा विकास गर्न सङ्घीय सरकारसँग अनुमति मागेको छ ।
काठमाडौँमा बढ्दो पार्किङ समस्या समाधान गर्न सीमित स्थानको अधिकतम सदुपयोग गर्ने उद्देश्यले एनएसी भवनमा बहुमञ्जिला पार्किङ निर्माणको प्रस्ताव अघि बढाइएको हो ।
महानगरपालिकाकी कार्यवाहक प्रमुख सुनिता डंगोलले आइतबार काठमाडौं महानगर प्रहरी बलको ३४औँ वार्षिकोत्सव कार्यक्रममा बोल्दै एनएसी भवनलाई बहुमञ्जिला पार्किङमा परिणत गर्न अनुमति दिन सङ्घीय सरकारसँग विशेष अनुरोध गरिएको जानकारी दिनुभयो ।
उहाँका अनुसार एनएसी भवनमा बहुमञ्जिला पार्किङ निर्माण गर्न सकिए विशेषगरी काठमाडौँको कोर क्षेत्रमा रहेको पार्किङ समस्या समाधानमा महत्वपूर्ण सहयोग पुग्ने महानगरको विश्वास छ ।
“पार्किङको समस्या दिनप्रतिदिन बढ्दै गइरहेको छ । यसको व्यवस्थापन गर्नुबाहेक हामीसँग अर्को विकल्प छैन । हाम्रो क्षेत्रफल सीमित भएकाले उपलब्ध ठाउँको सही सदुपयोग गरेर पार्किङ व्यवस्थापन गर्नु आजको आवश्यकता हो,” उहाँले भन्नुभयो ।
डंगोलले काठमाडौँभरको पार्किङ समस्या र यसको व्यवस्थापनबारे महानगरले विज्ञमार्फत अध्ययन गरिरहेको जानकारी दिनुभयो । अध्ययन प्रतिवेदन केही समयभित्र प्राप्त हुने र त्यसमा दिइएका सुझावका आधारमा पार्किङ व्यवस्थापनको योजना अघि बढाइने उहाँले बताउनुभयो ।
उहाँले नयाँ ठाउँ थप्नेभन्दा उपलब्ध स्थानको उचित सदुपयोग गर्दै पार्किङ व्यवस्थापनलाई व्यवस्थित र प्रणालीगत बनाउनुपर्नेमा जोड दिनुभयो । बढ्दो पार्किङ समस्या समाधानका लागि महानगरपालिकाले अध्ययनका आधारमा थप प्रभावकारी योजना अघि बढाउने उहाँको भनाइ छ ।
यो खबर पढेर तपाईलाई कस्तो महसुस भयो ?
1
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
हुप्सेकोटको घाँगी भीरमा निरन्तर धुँवाको
त्रिभुवनराजपथ भासिएपछि एकतर्फी यातायात सञ्चालन
नयाँ कोष थप्ने होइन, एकीकृत
बाढीपीडितलाई सहयोग गर्ने सन्देशसहित सांस्कृतिक
मकवानपुरमा ट्राफिक कारबाही बढ्दा पनि
संक्रामक पशु रोगबाट प्रभावित किसानलाई