काठमाडौं । अन्नपूर्ण स्पाइकर किङ्सले पहिलो संस्करणको नेपाल भलिबल लिग (एनभीएल) को उपाधि जितेको छ । शनिबार त्रिपुरेश्वरस्थित राष्ट्रिय खेलकुद परिषद् (राखेप) को कभर्डहलमा भएको फाइनलमा अन्नपूर्णले कर्णाली शिवराजलाई तीन-शून्यको सोझो सेटमा पराजित गर्दै एनभिएलको पहिलो च्याम्पियन बन्न सफल भएको हो ।
अन्नपूर्णले फाइनलमा सुरुदेखि नै कर्णालीमाथि दबाब कायम राखेको थियो । उसले पहिलो सेट २५-१५ ले सहजै आफ्नो पक्षमा पार्यो । दोस्रो सेटमा पनि अन्नपूर्णले आफ्नो लय कायम राख्दै कर्णालीलाई २५-२० ले पछि पार्यो ।
तेस्रो सेटमा पनि अन्नपूर्णले प्रभावशाली प्रदर्शन गर्दै २५-१८ को जित निकाल्यो । तीनवटै सेटमा स्पष्ट जित हात पारेपछि अन्नपूर्णले नेपाली पुरुष भलिबलको व्यावसायिक लिगको पहिलो संस्करणको उपाधि आफ्नो नाममा लेखाएको हो । उपाधिसँगै अन्नपूर्णले २० लाख रुपैयाँ पुरस्कार प्राप्त गरेको छ ।
पहिलो संस्करणमा च्याम्पियन अन्नपूर्ण स्पाइकर किंग्सका उरानबयार मुनखबयार सर्वोत्कृष्ट खेलाडी (एमभिपी) घोषित हुनुभयो । उरानबयारले एमभिपीसँगै एक लाख रुपैयाँ नगद पुरस्कार प्राप्त गर्नुभयो । प्रतियोगिताका उत्कृष्ट सातै व्यक्तिगत विधाका विजेताले जनही ५० हजार रुपैयाँ पुरस्कार पाए । अन्नपूर्णकै तुर्मान्डाख गान्खुयाग उत्कृष्ट सर्भर र उत्कृष्ट सेटर घोषित हुनुभयो ।
उत्कृष्ट अपोजिट हिटरको अवार्ड पनि अन्नपूर्णका इंख एर्डेनले जित्नुभयो । कर्णाली शिवराजका विनोद चन्द उत्कृष्ट लिबेरो, मधेस वारियर्सका रविन नगरकोटी उत्कृष्ट मिडल ब्लकर तथा काठमाडौं रेड्सका अहमद मुस्तफा उत्कृष्ट आउटसाइड हिटर घोषित हुनुभयो ।
नेपालमा पुरुष भलिबलको व्यावसायिक लिग पहिलोपटक आयोजना गरिएको हो । केडिया ग्रुपको आयोजनामा भएको पहिलो संस्करणको एनभिएलमा ६ टोलीले सहभागिता जनाएका थिए ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
नयाँ कोष थप्ने होइन, एकीकृत
बाढीपीडितलाई सहयोग गर्ने सन्देशसहित सांस्कृतिक
मकवानपुरमा ट्राफिक कारबाही बढ्दा पनि
संक्रामक पशु रोगबाट प्रभावित किसानलाई
त्रिभुवन विमानस्थलमा दुर्गा प्रसाईँ समर्थक
त्रिभुवन राजपथको सडक भासियो, एकतर्फी