नेपालगन्ज । एथर नेपालले विद्युतीय मोबिलिटीको सञ्जाल विस्तार गर्दै नेपालगन्जमा आफ्नो १५औँ एक्सपेरियन्स सेन्टर सञ्चालनमा ल्याएको छ ।
बसपार्क रोड, न्यू रोड–२, नेपालगन्जमा रहेको नयाँ एक्सपेरियन्स सेन्टरमार्फत नेपालगन्ज तथा आसपासका ग्राहकले एथरका विद्युतीय स्कुटर, प्रविधि तथा अन्य सुविधाको प्रत्यक्ष अनुभव गर्न सक्नेछन् ।
नेपालगन्जमा नयाँ सेन्टर सञ्चालनमा आएसँगै एथरको एक्सपेरियन्स सेन्टर सञ्जाल काठमाडौं, पोखरा, चितवन, इटहरी, बुटवल, जनकपुर, बिर्तामोड, वीरगञ्ज, धरान र विराटनगरलगायत प्रमुख सहरमा विस्तार भएको कम्पनीले जनाएको छ ।
नयाँ एक्सपेरियन्स सेन्टरमा एथर ४५० र एथर रिज्टा लगायतका विद्युतीय स्कुटर उपलब्ध हुनेछन् । ग्राहकले स्कुटरको कार्यक्षमता, डिजाइन, प्रविधि र प्रयोगात्मक पक्षबारे जानकारी लिनुका साथै उत्पादन प्रदर्शन तथा परीक्षण सवारीको सुविधा पनि पाउनेछन् ।
एथर ४५० गतिशील र प्रभावकारी सवारी अनुभव चाहने ग्राहकलाई लक्षित गरी डिजाइन गरिएको छ भने एथर रिज्टा दैनिक तथा पारिवारिक प्रयोगलाई ध्यानमा राखेर तयार गरिएको कम्पनीले जनाएको छ । रिज्टामा आराम, व्यवहारिकता र स्मार्ट सुविधाको संयोजन रहेको कम्पनीको दाबी छ ।
एथरले आफ्ना विद्युतीय स्कुटरमा प्रविधिमा आधारित विभिन्न सुविधा समावेश गरेको छ । ‘म्याजिक ट्विस्ट’ सुविधामार्फत थ्रोटल घुमाएर गति नियन्त्रण तथा घटाउन सकिने, ‘इन्फिनिट क्रुज’मार्फत लामो दूरीको सवारीलाई सहज बनाउन सकिने तथा आवाजमार्फत स्कुटरसँग अन्तर्क्रिया गर्न सकिने सुविधा रहेको कम्पनीले जनाएको छ ।
विद्युतीय सवारीको ब्याट्री, बिक्रीपछिको सेवा तथा दीर्घकालीन स्वामित्वप्रति ग्राहकको विश्वास बढाउन एथरले ‘एथर एस्योरेन्स’लाई पनि प्राथमिकतामा राखेको जनाएको छ । कम्पनीका अनुसार एथरका स्कुटरमा आठ वर्षसम्मको ब्याट्री वारेन्टीको सुविधा उपलब्ध छ ।
कम्पनीले नेपालभर ५० भन्दा बढी द्रुत चार्जिङ केन्द्र तथा १० भन्दा बढी आधिकारिक सेवा केन्द्र सञ्चालनमा रहेको जनाएको छ । एक्सपेरियन्स सेन्टर, सेवा केन्द्र र चार्जिङ पूर्वाधारको विस्तारमार्फत ग्राहकलाई स्कुटर खरिददेखि सम्पूर्ण स्वामित्व यात्रासम्म सेवा उपलब्ध गराउने लक्ष्य कम्पनीको छ ।
नेपालगन्जमा नयाँ एक्सपेरियन्स सेन्टर सञ्चालनको अवसरमा कम्पनीले विशेष उद्घाटन योजना पनि सार्वजनिक गरेको छ । आगामी ३ असोजसम्म लागू हुने योजनाअन्तर्गत नगद खरिदमा आठ वर्षको विस्तारित ब्याट्री वारेन्टी, किस्ताबन्दी खरिदमा शून्य प्रतिशत ब्याजदरको वित्तीय सुविधा तथा पुरानो सवारी साटफेर गर्दा थप ८ हजार रुपैयाँको मूल्यांकन सुविधा उपलब्ध हुने कम्पनीले जनाएको छ ।
नयाँ एक्सपेरियन्स सेन्टरमार्फत नेपालगन्जका ग्राहकले एथरका उत्पादन, प्रविधि, परीक्षण सवारी, चार्जिङ तथा बिक्रीपछिको सेवासम्बन्धी जानकारी एकै स्थानबाट प्राप्त गर्न सक्ने कम्पनीले जनाएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बाढीले क्षति पुर्याएका झोलुङ्गे पुल
प्रधानमन्त्री राहत कोषमा मौज्दात रु
कन्काइ पुल १४ वर्ष अलपत्र
घरपझोङ जलवायु परिवर्तन सम्मेलन सुरु
खर्क व्यवस्थापनमा नेपालले भुटानबाट सिक्नुपर्छ
सुनचाँदीको मूल्य घट्यो, आज प्रतिताेला