मेरिल्याण्ड (अमेरिका) । नेपाली कला, संस्कृति, परम्परा तथा सम्पदाको प्रवर्द्धन गर्ने उद्देश्यले अमेरिकाको मेरिल्याण्ड राज्यमा ‘नेपाल सडक महोत्सव-२०२६’ आयोजना गरिएको छ । नेपाली समुदायको साझा संस्था बाल्टिमोर एसोसिएसन अफ नेपालीज इन अमेरिका (बाना)को अगुवाइमा आयोजित महोत्सवमा मेरिल्याण्डसहित आसपासका विभिन्न राज्यमा बसोवास गर्ने नेपाली समुदायको उल्लेख्य सहभागिता रहेको थियो ।
‘हाम्रो संस्कृति, सम्पदा र समुदायको उत्सव’ भन्ने मूल नाराका साथ आयोजित महोत्सवमा नेपाली समुदायका विभिन्न जातीय तथा क्षेत्रीय संघसंस्थाले आ-आफ्ना ब्यानरसहित सहभागिता जनाएका थिए । सहभागी संस्थाले आफ्ना मौलिक संस्कृति, परम्परा र पहिचान झल्काउने विभिन्न झाँकीसमेत प्रस्तुत गरेका थिए ।
महोत्सवमा नेपाली कला, संस्कृति, परम्परा, संगीत, नृत्य तथा हस्तकलाका साथै विभिन्न नेपाली खानाका परिकार प्रदर्शन गरिएको थियो । कार्यक्रममा नेपालका ख्यातिप्राप्त कलाकारले सांस्कृतिक प्रस्तुति दिएका थिए ।
नेपालको कला, संस्कृति, परम्परा तथा सम्पदालाई अन्तर्राष्ट्रियस्तरमा प्रवर्द्धन र प्रचारप्रसार गर्ने उद्देश्यले महोत्सव आयोजना गरिएको बानाका वरिष्ठ उपाध्यक्ष जनकबहादुर थापाले बताउनुभयो । बानाले विगत सात वर्षदेखि प्रत्येक वर्ष नेपाल सडक महोत्सव आयोजना गर्दै आएको छ । यस वर्षको महोत्सव यसको आठौं संस्करण हो ।
नेपालको कला, संस्कृति, प्राकृतिक तथा पर्यटकीय सम्पदाको प्रचारप्रसार गर्दै विदेशी पर्यटकलाई नेपाल भ्रमणका लागि आकर्षित गर्नु महोत्सवको प्रमुख उद्देश्य रहेको आयोजकले जनाएको छ । नेपाली कला तथा संस्कृतिलाई अमेरिकी समुदायमाझ परिचित गराउँदै नेपाल र अमेरिकाबीचको सांस्कृतिक सम्बन्ध थप सुदृढ बनाउन महोत्सवले योगदान पुर्याउने आयोजकको विश्वास छ ।
यसैबीच, हालै भोटेकोशी क्षेत्रमा आएको बाढी तथा पहिरोबाट प्रभावित नागरिकको राहत तथा पुनःस्थापनाका लागि सहयोग जुटाउनसमेत महोत्सवका माध्यमबाट आह्वान गरिएको थियो । महोत्सव नेपाली दूतावास, वासिङ्टन डीसी, गैरआवासीय नेपाली संघ (एनआरएनए) अमेरिका तथा नेपाल पर्यटन बोर्डलगायतका संस्थासँगको सहकार्यमा आयोजना गरिएको आयोजकले जनाएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
क्यासिनोमा नेपाली प्रवेश गराई जुवा
पहिरोको जोखिम मोलेर बजारसम्म कृषि
बाढीपछि रसुवामा हैजाविरुद्ध २१ हजार
कृष्णभीरमा खोलिएको ‘ट्रयाक’ लाई फराकिलो
खेतमा पानी तान्ने क्रममा करेन्ट
वर्षासँगै काठमाडौं उपत्यकामा पहिरोको जोखिम