काठमाडाैं । यूईएफए नेसन्स लिगमा इटालीले टर्कीमाथि ३–१ को जित निकाल्दै समूहको दोस्रो स्थानमा उक्लिएको छ ।
बोलोग्नास्थित रेनातो डाल’आरा रंगशालामा सोमबार राति भएको खेलमा इटालीले सुरुवातदेखि नै आक्रामक खेल प्रस्तुत गरेको थियो। २६औँ मिनेटमा जियानलुका स्कामाकाले गोल गर्दै घरेलु टोलीलाई अग्रता दिलाए ।
पहिलो हाफ १–० मै सकिए पनि दोस्रो हाफमा टर्कीले खेलमा फर्किने प्रयास गर्यो । ६१औँ मिनेटमा अराल सिमसिरले गोल गर्दै खेल १–१ को बराबरीमा पुर्याउनुभयाे ।
तर बराबरी धेरैबेर टिकेन । त्यसको तीन मिनेटपछि रिकार्डो कालाफियोरीले हेडमार्फत गोल गर्दै इटालीलाई पुनः २–१ को अग्रता दिलाउनुभयाे ।
इटालीले त्यसपछि टर्कीलाई थप दबाबमा राख्दै खेलको अन्त्यतिर तेस्रो गोल थप्यो । ८७औँ मिनेटमा पियो एस्पोसिटोले गोल गरेपछि इटालीले ३–१ को जित पक्का गर्यो ।
यो जितसँगै इटाली चार खेलबाट ७ अंक जोड्दै समूहमा दोस्रो स्थानमा पुगेको छ। फ्रान्स १० अंकसहित शीर्ष स्थानमा छ भने बेल्जियम ६ अंकसहित तेस्रो स्थानमा छ । टर्की भने चारवटै खेलमा पराजित हुँदै समूहको पुछारमा छ ।
इटालीका लागि यो जित विशेष महत्त्वपूर्ण बनेको छ । फ्रान्सले बेल्जियमलाई ४–१ ले पराजित गरेपछि इटालीलाई दोस्रो स्थानमा उक्लिने अवसर मिलेको हो । अब इटालीको नजर नेसन्स लिगको क्वार्टरफाइनल दौडमा केन्द्रित हुनेछ ।
इटालीले पछिल्ला तीन खेलमा अपराजित यात्रा कायम राखेको छ। टर्कीविरुद्धको जितसँगै टोलीले समूहमा आफ्नो स्थिति समेत बलियो बनाएको छ ।







राष्ट्रपति पौडेलसमक्ष थारू आयोग र
कोरिया पठाइदिने भन्दै ठगी गरेको
हावाहुरी र वर्षाका कारण प्रभावित
ऊर्जामन्त्री श्रेष्ठले भने : ‘देश
कांग्रेसमा प्रत्यक्ष सभापति निर्वाचित गर्ने
भुइँ तहका कार्यकर्ताको मूल्यांकन नभएसम्म