काठमाडौं । पूर्वाधार विकासमन्त्री सुनिल लम्सालले मेची करिडोरअन्तर्गत बेलासे–गोलाखर्क भञ्ज्याङको ९.५ किलोमिटर सडक खण्डको ठेक्का सम्झौता अन्त्य गरिएको जानकारी दिनुभएको छ ।
इलाम, पाँचथर र ताप्लेजुङ जिल्लालाई जोड्ने महत्त्वपूर्ण वैकल्पिक सडक निर्माणमा लामो समयसम्म ढिलाइ भएपछि ठेक्का सम्झौता अन्त्य गरिएको उहाँले बताउनुभएको हो ।
बिहीबार सामाजिक सञ्जालमार्फत जानकारी दिँदै मन्त्री लम्सालले वर्षौँदेखि अलपत्र अवस्थामा रहेका ठेक्का अब निरन्तर चल्न नसक्ने उल्लेख गर्नुभएको छ ।
उक्त सडक खण्ड निर्माणका लागि २०७८ असार २९ गते भ्याटसहित २७ करोड २२ लाख रुपैयाँमा सम्झौता भएको थियो । सम्झौताअनुसार २०८० पुस २९ गतेभित्र निर्माण सम्पन्न गर्नुपर्ने भए पनि पटक–पटक म्याद थप गरेर कुल ६३ महिनाको समय दिँदासमेत कामले गति लिन सकेन ।
मन्त्री लम्सालका अनुसार सडकको वित्तीय प्रगति ४५.२८ प्रतिशत र भौतिक प्रगति करिब ४७ प्रतिशत मात्रै पुगेको छ ।
अधुरो सडक निर्माणलाई अघि बढाउन आवश्यक स्रोत सुनिश्चित गरी बहुवर्षीय ठेक्काका लागि सहमति जुटाइने उहाँले बताउनुभएको छ । त्यसपछि नयाँ ठेक्का प्रक्रिया शीघ्र अघि बढाइने उहाँको भनाइ छ ।
‘अब अलपत्र ठेक्का तोडिनेछन्, नयाँ प्रक्रियाबाट अघि बढ्नेछन्,’ मन्त्री लम्सालले सामाजिक सञ्जालमा लेख्नुभएको छ ।








रेडक्रसले भोटेकोशी बाढीमा बेपत्ता र
एनपिएलको तयारी अन्तिम चरणमा, दर्शकको
ड्रागन फ्रुटखेतीले देखाएको बाजुराको सम्भावना
बिदाइ खेलमा मेसीकाे गोल, अर्जेन्टिनाकाे
पाँच पाण्डव’मा द्रौपदीको भूमिकामा इभा
जलवायु न्याय माग्ने नेपालको आधार